بكره تسافر

[الطيرالحر]

بكره تسافر

في خاطري شي مدري ليه ما قلته
قل ما بقلبك.. قبل تبعد وتنســـاني
بكره تسافر .. وتنسى القرب وأسئلته
واسلم البوح صمتي والفظ لساني
بكر تسافر .. وجرحك فيّ ماشلته
بكره تسافر تخلي الغربة أوطاني
شاعرك حتى القصايد شوف بهذلته
يا طول درب على فرقاك ناداني
شف دفتر الهم عقبك كيف شكلته
حتى بياض الورق يتجاهل الواني
حاجز لك okوالا الغير كنسلته
اولى تذاكرك دمع وجرحي الثاني
وان قالوا شفيك ( تكفى ) قول جاملته
لا تقول سافرت..قول البعد وداني
تدري وداعك..وبعدك ما تحملته
لكن لارحت..لا ترجع على شأني
قل: ما بقلبك إذا به شي ما قلته
إن رحت عنك ترى ما عاد تلقاني .

[الفارس]

اقتباس: المشاركة الأصلية كتبت بواسطة الطيرالحر    لا تقول سافرت..قول البعد وداني تدري وداعك..وبعدك ما تحملته لكن لارحت..لا ترجع على شأني قل: ما بقلبك إذا به شي ما قلته إن رحت عنك ترى ما عاد تلقاني .

الغالي / الطير الحر

صح لسانك ولساان شاعرها


ذائقه رفيعه وشموخه بهذه الشامخه


لا خلا ولاعدمك

[الطيرالحر]

أخوي الفارس أسعدني مرور العطر ويشرفني أن أكون ضمن هذه الكوكبة الذهبية من الأعضاء الكرام وفي هذا المنتدي الذهبي دمتم بخير .