& حيزا حيزا &

[ناجي الحفراااوي]

اقتباس: المشاركة الأصلية كتبت بواسطة نهاية سطر    صح نقلــــك وهذه القصيده دايــــــم اسمعها وهي من القصائد القويه وهذا هو اخــــــو اختــــــــــــه والقصه اقوى من ذاللك وليست لنصار الظفيري حيزا هية نخوه ينتخون بها قبيلة عنزه على ماقيــــــــــــل بعد ماتزوجت البنت مات ابوها وامها ولم يبقا سوى اخوها ويوم تزوجت اخته صار عليه قضيه وانسجن ثلاث سنوات وبعد ماطلع اشتغل كداد اي شغال على الخطوط مشاوير وسئل عن اخته وعن زوجها وكان احد الركاب اللي معه يعرف زوجها وقال وينهم قاله في الاحساء وراح وجلس عندها يوم وشافها وفي اليوم الثاني قالها انا رايح للنقل اذا لقيت ركاب مشيت واذا مالقيت ارجع لك ولقى الرجال ركاب ومشى لجده وفي نص الطريق تذكر انه وعدها يعلمها اذا مشا ودق عليها ولقى صوتها متغير وقالها وش فيك قالت مافيني شي وفي نص المكالمه قام يقطع صوتها وقامت تبكي والرجال وقف عن محطه ونزل الركاب وعطاهم فوق حقهم مشوار 0 ورجع ويوم وصل لقها لحلها تبكي قالها وش فيك قامت وحضنته وهي تصيح من يوم امي وابوي ماتو وانت انسجنت كل يوم يصبحني ويمسيني بضرب00الرجل زعل واستنا الرجال لما جاء (000وعلى قول العالم ) يقولون سحب المسدس وضربه ست طلقات وارداه قتيل القصه قديمه شوي واللـــــــه اعلــــــــم وعلى هذه القصيده كثير من الناس قامت تألف من عندها نــــاجي عذرأ بس حبيت اوضح او افيد في معلومــه او ما ورد من حديث متداول بين الناس تقبل مروري وخالص شكري على هذه القصيد الشامخـــــه التي عنونتها في جوالي اخـــو اختـــــه نهـــــــاية سطـــــر ...

ياهلا فيك اخوي نهاية سطر

فعلاً قصه مؤثره ومحزنه للغايه

اضافه جميله منك ياغالي

يعطيك العافيه على التوضيح..

[حطموكـــ ياقلبي]

ناجي مشكور على هذه المداخله العطره الفواحه برائحة الحب للجميع وهذا يدل على أنك تبذل قصار الجهد لأمتاع الموجودين بدون مجامله ولا تملق وربي يخليك ويديم عزك تقبل مروري المتواضع لك ودمت بود وأحترام ,,,,,,,,,,

[نــآآيفـ ـآلمردآني+]

[align=center]الله يا هل القصيدة

تذكرني بأشياء كنت ناسيها

ناجي يعطيك ألف ألف ألف ألف ألف عافية يالغالي على هالقصيدة

لاني كنت أدور فيها من زمان وآخر شئ طلعت بالمنتدى وأنا مدري

أعيد كلامي

يعطيك ألف ألف ألف عافية يالغالي


ابي رابط التحميل لو سمحت[/align]

[أبوفيصل]

تصحيحاً لبعض الأعضاء :

الخوالد ينتخون بالحيز.

والذرفان من الزميل من شمر ينتخون بالحيز.

وكذلك الثنيان من الزميل من شمر ينتخون بالحيز..


فالقصيدة لا تكون إلا لخالدي أو شمري..


وشكراً على هذا المقطع..

[تاج المراجل]

8
8
8

فعلا معك القصيدة لخالدي كان بقطر متغرب
وقالها يوم سمع صوت اخته كما اورد القصة الاخ ناجي
وهذا رد الشاعر الكبير ماجد الزيد الخالدي عليه لانه تعزوى بربعه ( حيزا حيزا)


يالخالـدي لـبـت اســودن تلبـيـك
لبـيـه يالبـيـه لـبـيـه تـخــرع

لبو لـك الـي كـل ابوهـم عزاويـك
مـن الحسـاء للجـوف لجبـال المـع

يوم انتخيـت الحيـز تبشـر هقاويـك
الحيز منهـا المـوت المـوت يجـزع

ياحي صوت(ن)لاجل راعيـه نعطيـك
روس الرجال الي على المتـن تجـدع

حيـزا حـيـزا لابلغتـنـي ملبـيـك
تقشع اسود(ن)لاقشعـت كـود تمـزع

والي خلق سبع(ن)ونا الذيـب لاجيـك
الفيـن فيلـق تحـت اياديـك تجمـع

ابشر بعـزك كـل ابونـا بنـي خيـك
يـاوالله ان الارض لرضـاك تشـبـع

ياراعـي الحيـزا سلامـة منـاديـك
ابشر بعزك لـو تبـي الحكـم يرجـع

عطني الهدف والي رفع سبع لارضيـك
والله ثــــم والله والله لافــــزع

لافـزع كمـا ليث(ن)والايـام تنبيـك
لاوالله ان الــدم لاطــش تسـمـع

تسمع عـن ليوث(ن)تـدوس لمهاليـك
تاطى الضرر اسرع من الطرف واسرع

تاطى علـى صفحـة جبين(ن)يعاديـك
مـن هولنـا يرتـج ثهـلان يـربـع

سلامة الـي كـل ابوهـم بنـي خيـك
زحول واطين(ن)علـى خشـم خفـرع

سلامة الـي كـل ابوهـم بنـي خيـك
عز الله ان المـوت لرضـاك مطمـع

سلامة الـي كـل ابوهـم بنـي خيـك
والله تقص ارقـاب مـن شـان مدمـع


وسلاامتكم ولاهنت يا ناجي ؛؛

::
::

[hafartoon]

انا سمعت انها لشخص عتيبي والله العالم

عموما الف شكر يا ناجي لا هنت

[امل الغد]

حي هالأخو .................................................. .....................

[ناجي الحفراااوي]

اقتباس: المشاركة الأصلية كتبت بواسطة حطموكـــ ياقلبي    ناجي مشكور على هذه المداخله العطره الفواحه برائحة الحب للجميع وهذا يدل على أنك تبذل قصار الجهد لأمتاع الموجودين بدون مجامله ولا تملق وربي يخليك ويديم عزك تقبل مروري المتواضع لك ودمت بود وأحترام ,,,,,,,,,,

العفوو حبيب قلبي حطموك ياقلبي

اشكر لك المرور

والكلمات الجميله ياغالي

دمت بخير دائماً..

[ناجي الحفراااوي]

اقتباس: المشاركة الأصلية كتبت بواسطة نايف المرداني    [align=center]الله يا هل القصيدة تذكرني بأشياء كنت ناسيها ناجي يعطيك ألف ألف ألف ألف ألف عافية يالغالي على هالقصيدة لاني كنت أدور فيها من زمان وآخر شئ طلعت بالمنتدى وأنا مدري أعيد كلامي يعطيك ألف ألف ألف عافية يالغالي ابي رابط التحميل لو سمحت[/align]

الله يعافيك ياغالي

وان شاء الله ماتذكرك إلا بكل شي طيب

مدري عن التحميل المشكله صار لها وقت القصيده

اجده عندي او لا !!

بحاول ابحث عنها ياغالي

وشكراً على التواجد..

[ناجي الحفراااوي]

اقتباس: المشاركة الأصلية كتبت بواسطة أبوفيصل    تصحيحاً لبعض الأعضاء : الخوالد ينتخون بالحيز. والذرفان من الزميل من شمر ينتخون بالحيز. وكذلك الثنيان من الزميل من شمر ينتخون بالحيز.. فالقصيدة لا تكون إلا لخالدي أو شمري.. وشكراً على هذا المقطع..

العفووو ابو فيصل

واشكر لك هذه الاضافه على القصيده

دمت بخير..