قبيلة مطير من القبائل المشهوره التي يعتز رجالها بانتمائهم لها ودون التاريخ لها اساطير من البطولات وهنا نجد احد شعرائها يقول بقصيدته بعنوان / الصمان
زما مزن من القبله وحده من خلاه خيّال
يتله طاري بيوت على الصمان ملفاها
على ديرة هلي ربعي ذراي اليا شكيت الحال
هل الشدات والفزعات ساس الطيب مجناها
بني عمي اليا قالوا بني عمك اقول اهوال
حشى مايلحق الباغي على الطارف من ادناها
مدام ان الشيوخ اللي على روس العرب هم ال
يخيب الهاقي اللي مانشد عنها وش اقصاها
جبال ٍ من جبال خلفت عقب الجبال جبال
كذا يبقى مع الدنيا سلايلها ومجراها
طحاطيح على المركا زحول ساعة الافعال
شيوخ لا زما وجه الكلام وزان مركاها
وسقاك الله يادار بشرق محقبه تختال
فعول خلّد التاريخ بالله كيف ينساها
من ام قرين للخمه اليا درب لقطته مال
نحر وجهه شمال وقال هذي من بقاياها
ديارٍ لو تبي تنطق تقول اسكنتهم ابطال
عليها وش خلد قصيد المدح وادماها
مدام مطير ياخبل ٍ تجيب العلم زود خبال
تربع عرشها فوق الشموخ وطال مسراها
فلا تبكي من الدنيا ولا تشكي علي احوال
فعايلن من الاول على التالي جردناها
لنا في ماكر الامجاد مجد ٍ صار عز ظلال
ولنا يمكن يجي الفين نادر ماجحدناها
نحط الراس فوق الروس ياربي لك الإجلال
انا من قوم مايقرب لهيب القيض من ماها
تبي تسمع اجل اسمع قصص واضرب بها الامثال
اهل عشر غدو جيش على ركب تعداها
تبي تسمع بعد اسمع وعلق صورة الاجيال
تذكر طايره طاحت بيمنى مطير مثواها
تبي تسمع بعد اسمع وصور هزت الزلزال
تزلزل تحت قطعان اليوم اللي لحقناها
وانا مطيري واعرف ان الدلال الصفر ذيك دلال
ولكن جدد الفنجال واقدع لا تحراها
لصاروا عز والعزه على روس الرجال رجال
اجل لا تقعد تردد علوم منت وياها
المواضيع المتشابهه
العرض العادي
