هذي قصه قديمه من قصص الشجاعه قيل ان الشيخ/ شافي ابن شبعان شيخ بني هاجر عندما حصل بينه وبين قبيلة العجمان خلاف ،اركب رسول لشيخ قحطان/محمد بن هادي يطلب منه المساعده وقلد الذلول (همل)وهو نوع من الهرس الاسود والهمل تستعمله الباديه فيها بينهم اذا حصل عندهم شده حرب، فهم
يقلدون ذلول ويرسلونها لاقرب من له نسب معهم لطلب النجده فان اراد مساعدتهم فهو يحلها من رقبة المطيه وان اعتذر وتركها على رباطها ، اما الشيخ ابن هادي فحل عقدتها لما وصلته الذلول ، ومع الرسول ابيات من الشعر ، من الشيخ بني هاجر يذكر فيها ان جتجمع بني هاجر وعبيده من قحطان ويذكر بالابيات انهم اقرب لبعظهم
[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
ويقول الشيخ شافي بن شبعان:
ياراكب حمرا بلونه سحامه =ترعا الزهر لين الشحم فوقها زام
فوقه صبي ما يغير كلامه = يدي الخبر يم الرفاقه بالاولام
ياجنب تركو الرثا والحمامه= واحمولنا من قبل حل التندام
صبيان قحطان غشاهم ملامه= والها على صبيان جنب تلملام
حنا كما مايح ثمانين قامه = هيما وفي جيلانها تسعة اهيام
ما يظهر المايح من اقصا غمامه =خطر على جيلانها بالتهدام
حنا شوي وحاميتنا القرامه = قطاعة تنطح ولو كملو يام
ارما حنا وسط المدينه علامه= مع الصحابه قاتلو ذيك الايام
يذكر جدهم سلطان العبيدي انه قاتل مع الصحابه وذريته ال محمد والمخظبه
فاجاب محمد بن هادي بهذي الابيات:
ياسابقي تستاهلين السلامه = الله يجيرك من بلا سو الايام
لابد من يوم انطير كتامه = اما على المطران والا على يام
ياذا البهم والله تباري الجهامه= لما تجي من بين صفوه والاوجام
لي لابة حولتها من تهامه = اسلاحهم دهم الفرنجي والاروام
حنا كما سيل يطم العدامه = حول على طاش البحر له تلطام
ان كان عندك للمسير كرامه = عجل ترى ربعك مشافيق وحيام
كرامة ترث عليكم ندامه = تصبح ذراريكم مراميل وايتام
كم شيخ قوم مطلقين حزامه = من عقب لبس الجوخ قدو له الخام
وان كان تطرى السيف تفصح لجامه= لو هو على الدوشان ما كنت تلام
اما الشيخ ركان بن حثلين شيخ العجمان فقد اجاب على ابيات شافي وابن هادي
بهذي القصيده:
ياراكب حر تذرب سنامه = عليه نيٍ راكب نية العام
ما طققو لحيه ليالي فطامه= امقوي عظمه لبن كل مرزام
الي ورد عد يطير حمامه = جاء للصريمه من لحيه تقصام
تلفي لبن هادي كبير العمامه=شيخ ورمحه مع هل الخيل مرسام
مرن يواعدنا بحرب وقوامه = ومرٍ يجينا منه هرج وتسلام
حي الكلام وحي من هو كلامه= اللي لفانا منه هرج التوهام
وش الجزا ياشوق زاهي وشامه= بالسابق اللي ما عرفنا له اوقام
كزيت لك نور السلف والجهامه= باقيك ذخر في مقابيل الايام
وغديت انا وياك مثل النعامه = جاها بلاها من ثقيلات الاقدام
ان كان تبغى سابقك والسلامه= خلو ضعاينكم مع العتش خرام
حرم عليك النوط تطلق ابلامه= ما دام عنده واحد من ضنا يام
معنا الطويل اللي تجيكم علامه = مثل العديم اللي على الجول صرام
الترك قبلك زارنا به زعامه =قد عافنا واختار عنا هل الشام
ان كان تطرى حدرتك بالجهامه= لما توصل بك لها ذيل الارجام
ذي ديرة الحاكم كبير العمامه= اللي نحا عنها طوابير الاروام
قدامكم شيخ رفيع مقامه = الخيل قرح وابيض الخد قدام
يالله عسى الفردوس ملفى عظامه=اللي بعث دين النبي دين الاسلام
وان رادها غيره ضربنا ارثامه = عود يبدل هقوته بالتندام
اقبل وحنا لك نسوي كرامه =شلف على شهب سريعات الاولام
تسعين رمح كسرن في عدامه= عشرين منهن بين ركان وحزام
كم ثار عند اركابنا من كتامه = ويما هلك من ضدنا من سبب يام
وكم من حريب دارج الدم دامه= يشبع بها السرحان والطير لاحام
حنا كما سيل تنحا غمامه=هامل بردها بالفرنجي والاروام
سيله يقزى ما نحا من عدامه= ورعودها منها المدن له تقصام
كم سف هندي فصخنا لجامه = بايماننا كنه مقابيس الاظلام
نروي من ارقاب السكارا حيامه=في هية يشبع بها كل حوام
نطعن لعين اللي عريض سنامه= شقح مغاليها مباكير الاوسام
ان كان ودك عندنا لك كرامه = وتدري بضيفتنا لك الشرق والشام
اقبل علينا عند سوق المسامه = وعادتنا نغلي جلب كل سوام
حريبنا يصبح بكبده ندامه = وبراية الله نجعله حذو القدام
نرجي مهاشيلك تعدا تهامه= لا ساقك الله بالقدر ناحر يام
[/poet]
تحياتي
العرض العادي
