اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

 
 
أدوات الموضوع انواع عرض الموضوع
قديم 13-08-07, 11:34 PM   رقم المشاركة : 1
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

Talking جايـكم ركـض

[align=center][/align]

[align=center]مساكم الله با الخير يا الربع والله تعبت من الكوره والرياضه والركض قلت اجي ارز خشتي هنا ووانسكم بقصه وقصيده بس قبلها خلونا نتقهوا ونقند الراس بفنجالين تفضـلو فنجالكـم [/align]

[align=center][/align]

[align=center]تقهـويتـم

الـف هنـا وعـافيـه [/align]


[align=center]نبـدا القصـه [/align]


[align=center]فيه شايب ينصح ولده من ربعه ويقوله يا ابوك خوياك مافيهم خير تراهم خلان الرخى ولاصار ماصار والله ما يسرونك قال الولد ليه انت تعرفهم قال الا اعرف الرياجيل من اجلس معهم ومواريهم مواري رخوم والله ما يسرونك قال والولد يايبه وشدراك يمكن ياتون اخير من شيبانك اللي مخاويهم قال الشايب انا بخليك تشوف رداهم وتشوف طيب ربعي بعيونك .



قال الولد شلون قال انا اجربهم لك وانت بتعرف ربعك صدق .
المهم الشايب قال الشايب للولد اذبحلنا ذبيحه واطبخها وخلها جاهزه ويوم انتصف الليل روح الشايب لواحد من ربع ولده ودق عليه الباب وطلع عليه الولد قال انا ابو خويك فلان وخويك قدر الله عليه وذبح له رجال وابيك تجي معي ندفن الرجال ونزبن الولد , قال الله يقطعك انت وولدك تبون تبلشون بدم رجال انقلع الله يقلعك , وراح للثاني وقاله نفس الكلام .



قال شفت ربعك الحين تعال اوديك لخوياي وراحلهم وكل ما جا وحد منهم وعلمه بالقصه قال ابشر والله بسعدك وانا والله اني فدا لك ولعيالك .




المهم جمعهم عنده وقلط الذبيحه وعلمهم بالسالفه عقبن قصد وقال :




يا عبيد اشوفه ما يفيد تعليمي
................ تذكر اللي قلتلك يوم اقوله

يا عبيد خلان الرخى من قديمي
................. رفيقهم لاطاح ما عودوا له

ودك ترافق مثل (ربع القصيمي)
............. ساعة وقع من مركبه عنزوله

العفو ياما عندهم من فهيمي
.............. وكم واحدن باموالهم فرجوله

اولاد علي منزحين الخصيمي
............ مركاظهم يا عبيد تذكر فعوله



( ربع القصيمي ) اللي ذكرهم الشايب في القصيده
يقولون فيه واحدن قصيمي سيروا عليه اثنين من ربعه ومرته ما تدانيهم طلعت عليهم المره عند الباب وقامت تخانقهم على جيت القصيمي الا مرته تخانق ربعه وهو ينطلق عليها يبي يضربها ويمسكونه ربعه ويحلفون عليه ثم طلقها ساعة طلقها قال وحدهم ابشر بالعوض والله ان فلانه اختي لك و الثاني والله يا مصاريف العرس انها كلها علي ولا تدفع قرش
وعقبها راحت سالفتهم مضرب مثل
.[/align]

[align=center]تقبـلو ودي وتقـديـري ،،[/align]







التوقيع :

قديم 14-08-07, 12:36 AM   رقم المشاركة : 2
نسـ الشمال ـــيم
مراقبـــه عـــامــه
الملف الشخصي






 
الحالة
نسـ الشمال ـــيم غير متواجد حالياً

 


 

نقل طيب اخ ابو مالك



في انتظااااااار جديدك في هذا القسم



دمت بخير







التوقيع :


ــــــــــــــــــــــــــــــــ
سأصبر حتى يعجز الصبر عن صبري .. وأصبر حتى يحكم الله في أمري
وأصبرحتى يعلم الصبر أني صبرت على شئ أقسى من الصبر
ليغارالصبرمن صبري .. ويتعجب الناس في أمري

ـــــــــــــــــــــــــــــــ

قديم 14-08-07, 06:40 PM   رقم المشاركة : 3
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

[align=center]الاخت / نسيم الشمال

شرفني مرورك

تقبلـو ودي وتقـديري ،،[/align]







قديم 15-08-07, 12:02 PM   رقم المشاركة : 4
aboood
عضو فضي
الملف الشخصي






 
الحالة
aboood غير متواجد حالياً

 


 

مشكوووووووووووووووور مشرفناااااااااااااااااا







قديم 16-08-07, 12:56 AM   رقم المشاركة : 5
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

[align=center]aboood

العفـو عبـود ومشكـور ع المرور ياالغالـي

تقبـل ودي وتقـديري ،،[/align]







 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:59 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم