يا شباب شغلوا عقولكم , نبي حل لمشكلة "الماء الحار".

[وليف الليل]

[align=right]هنا ورشة عمل .

تخبرون الماء حار بسبة الحر الشديد بحفر الباطن , ولازم يا شباب إننا نلقى لنا حل , أو نخترع لنا اختراع يساهم في أن الحنفية تنزل ماء نقدر نتروش فيه , ونقدر ..............
والله متنا من الماء الحار .

يا شباب نبي حلول لمشكلة الماء الحار , ونبي لو عندك طرف فكرة نقدر إننا نكمل خبرات بعض لعلنا نصل إلى حل يجعل من الماء بارد .

الصخانات وهي طافية تطق فوق 60 وكأنك مشغل السخان

شباب الموضوع مهم :

لأنك تفيد الي يبون يتوضون للصلاة , والي يعانون من مشكلة الحر يقدرون يتروشون , والشيبان والعجز نبيهم يتخلون عن "تبريد الماء بالطشت "

السؤال هو :

كيف يمكنني أن أخفض حرارة الماء في منزلي ؟

شباب لا تحقرون أي فكرة , يمكن تكون سبب في حل المشكلة هذي

والله يوفقنا واياكم[/align]

[هجير]

مشكله اغلب سكان الحفر يعانون منها ولكن البعض (( فطن للماء الحار ))


وقبل لايبني بيته سلك البيبات داخل يعني تشوف البيت مافيه اي بيبه ومظلل التانكي

ومافيه حل الاان نظلل التوانك ونغير البيبات الحديد الى البلاستك الاخضر

[فتى الوادي]

فيه حل طال عمرك

عندنا بالكويت عملوا طريقه حلوه وهي وضع مروحه شفط على فتحت التانكي وفوقها مدخنه ارتفاعها 40سم حتى مايدخل اي شي في التانكي من حمام او اي طير

وتشغل المروح فترت الظهير وتشفط الرطوبه ويصبح الماء فاتر

العام الماضي اعلنوا عنها بجرائد الاعلانات ب60 دينار

ولكن الفكره سهله تقدر انت تزينها عند محلات الحداده

تقول للحداد يفصل لك مدخنه اتفاع 40 سم وفي اسفلا تحط مروحه شقت حديد المانيه الصنع وتشبكها مع لمبة السطح

[سِوار]

أنا عندي في البيت الماء بارد
والسبب المواسير غير مكشوفة
ومن عنده مواسير مكشوفة يغطيها بعازل حرارة هي والتانكي وراح يجيك الماء بارد
وهذي مجربة

[هاوك]

احلى حل لمشكله ارتفاع درجة حراره الماء والجو هو اخذ اجازه مفتوحه الي بلودان والزبداني وكثر من الرز

[فتى الوادي]

اقتباس: المشاركة الأصلية كتبت بواسطة هاوك    احلى حل لمشكله ارتفاع درجة حراره الماء والجو هو اخذ اجازه مفتوحه الي بلودان والزبداني وكثر من الرز

هههههههههههههههه

حل مقنع جدا

[♥ כـِـِـِّلـِـِم ♥]

اصلا ما ء المشروع نفسه حار

[فارس بني وائل]

والله مشكلللللللللللللله

[الصـــــارم]

حط عازل على المواسير والتانكي وتنحل المشكلة باذن الله

[العزيزيه (ب)]

والله انا صراحه اعاني من الحراره ولكن وش نسوي نتحمل لين ربك يفرجها
=== تقبل مروري