[align=center]بسم الله الرحمن الرحيم
هذي الابيات مرثيه
للامير الراحل بذن الله/
" ذعار البرازي الشمري"
وكاتب هذي القصيده
الشاعر / مبارك مخلف البرازي الشمري[/align]
[poem=font="Arial,6,sienna,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black"]
جانا الثلوث بيوم سبعة عشر شوال=وقت العصير وعامنا عام الثلاثين
جالس خلا سرحان وأجر موال=وسعود ابن داموك عندي ويعطين
فنجال لكنه مهو بأي فنجال=انشهد انه يقعد الراس ويلين
جانا اتصال وقلت ياقطع جوال=يامشينك حنا ببعدك سعيدين
وانحسبنه منقطع عنك الارسال=ماتشتغل ياكود وسط الميادين
لا مادريت انا المدى بالزمن طال=واصبحت تاصلنا بعيد وقريبين
الزبده اني قلتله كيف الاحوال=وقال الخبر ياصاحبي ماهو بزين
اليا بغيت الحال ماسرك الحال=انا حزين بمجتمع كله حزين
منا وليده للثقيلات حمال=يغليه كل الناس داني والاقصين
جته المنيه والمنيه له اهوال=مافيه لا بكرى ولا فيه بعدين
اميرنا يافلان للرب رحال=الموت حقاْ ولا يعرف السلاطين
سكر وهو دمعه على الخد سيال=وانا ذرفت من حرتي دمعة العين
مرحوم ياميراْ ندر عبر الاجيال=مرحوم ياللي مايهاب المعادين
مرحوم يامن للصعيبات حلال=مرحوم يانسل الرجال العزيزين
ياميرنا لو الزمن طول وطال=تبقى لنا ذكراك من حين للحين
الكنب من بعدك يبي يصبح اطلال=والربع من دونك سواة الكسيرين
ماقلته اجامل ولاني بدجال=ياناس ابنخاكم تقولون آمين
بجاه الذي نزل تبارك والانفال=بيحوه عن زله وبيحوه عن دين
مابه ردى لا لا ولاهو بعيال=عزيز نفسآ ولا يحب الذليلين
من بيض قلبه صار مضرب للامثال=وعنده حميا للكبار وصغيرين
لو العمر يعطى ابعطيه بالحال=واقسم بقى عمري وابعطيه ثلثين
ليته بداله راح تسعين رجال=من نقوة اللي بالطبايع رديين
"مثله" مره والله فلا جابت عيال=يغليه كل الناس حتى الوغادين
عسى قبر ضمه من الخير همال=وينبت حوالينه ورود وبساتين
ماقلتها كاذب ولاني بحيال=ولا لوم عيني لذرفت دمعة البين
من لا بكت عينيه "رجال محتال"=ومن لا تأثر فيه "انسان مسكين"
كان الثلوث بيوم سبعة عشر شوال=وقتي حزين بمجتمع جوه حزين [/poem]
[align=center]الشاعر / مبارك مخلف البرازي[/align]