حمود المخلد والحفر

[المستقل]

[align=center]مساء الخير


بدون مقدمات اترككم مع حمود المخلد وقصيدة عن الحفر[/align]





[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحفر يا اهل الامانه والحقوق مْصانه =حالةٍ ما بين بِرّ المستفيد وعَقّه
كنّ ما به حيّ في هذا الوطن ما خانه = وكنّ ما به حيّ ما برّه وقام بحقّه
من يذمّه ما ذكر بالخير حتى اخوانه = ومن عليه اثنى ما شاف العالم المُنشقّه
ومن يشوفه ما يشوف ومن حملْه امانه = ما قدر امانته ولكلّ رَقْعٍ شَقّه
والحقيقه واقعه يبكي باسى عمرانه = وكل غازي جا بمسمار الجشع ثم طقّه
أسرفوا به ما اسرفوا لاجله رعاة اعيانه = وانكروا به نعمة الله بالحسد والشِقّه
لين حتّى انكر ارضه بالوفا هتّانه = والمَحَل عاقب ربيعه لين عوده دقّه
الحفر مذنوب وذنوب الحفر حيّانه = بين عجز المقتدر والجاهل المتفقّه
الحفر من به رعى ربه ورد احسانه = يا قلوبٍ بين تفريط القسا والرقّه
ليت قلبي مثل شعري لا حكمت عنانه = كان ما اثرت بنقاه مدوّرين النقّه
وليت مالك يالصراحه في خفوقي خانه = وليت حفر الباطن مواطن وياخذ حقّه[/poem]


[align=center]وصح لسانه [/align]

[الفارس]

اخى المستقل
صح لسانك ولسان الشاعر الرائع / حمود المخلد
اجاد فى وصف حال الحفر وواقع المنظور والمأمول

حضور فاخر كالعادة لحمود
ِ

[أبوفيصل]

قصيدة رائعة لكن لنا طلب للأخ حمود المخلد تسجيلها صوتياً ونشرها في اليوتيوب والمواقع الكبيرة فمن وجهة نظري صوتيا سيكون لها صدى أكبر

وصح لسان الشاعر وليت الشعار يحذون حذوه