اتصل بادارة الموقع البحث   التسجيل الرئيسية

 


العودة   منتديات عاصمة الربيع > الأقسام الإجتماعية والسياحية > الاســرة والمجتمـــع

الاســرة والمجتمـــع كل ما يخص الاسرة والمجتمع من قضايا ومتطلبات

 
 
أدوات الموضوع انواع عرض الموضوع
قديم 02-07-11, 11:47 AM   رقم المشاركة : 1
ساجدهـ
العضوية الماسية
الملف الشخصي







 
الحالة
ساجدهـ غير متواجد حالياً

 


 

Talking عزيزي الشاب : كيف تعرف انه حان قطافك من بنت الحلال,,,

[align=center]










مساء/صباح

الفله وبياض القلب

يالله ان تحييهم

تسيف الحال ربيعيين عساكم تزقحون فرداً فرداً
زنقه زنقه

بما ان الاعصاب تلفانه مع جداره والمخ مفصول عن الخدمه مؤقتاً

قلت انزل موضوع من زمان مانزلت حااقه قديده



ترى موضوعي منقول لكن بتصررررف<<وناشبه لنا

بس عاد منسقته ومأنقته بيدياتي <<من زينه عاد<<اقول احمدوا ربكم<<شكلها بتصك هوشه
ترددت في اعتماده بين مدونتي او اني اكنسله خوفاً من ردات الفعل

بس توكلت ع الله

واحترت وين احطه مالقيت الا هالقسم المبروك

اخوووش بالموضوع دوووغري<<وش عقبه






سؤال لكل عزوبي .. يتسدح بالمقلط ؟






هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

إذا كانت الاجابة بنعم فإن وقت ارتباطك قد حان

.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .




[overline]اولاً : مرحلة ما قبل الزواج :[/overline]


كيف تعرف انك استويت عزيزي الشاب وحان قطافك من بنت الحلال :


أ: علامات الرغبة في الزواج عند الشاب :


1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>> قال صلى الله عليه وسلم : ( بالمعنى ) يرزق الله ثلاثه ،، ومنهم : الذي يعف نفسه )

كذلك إذا صرت تتابع الفيديو كليب وتهج اثمك ولو يناديك ابوك ما ترد عليه.

2– إذا بديت تقول يا زين بيروت والـ إل بي سي والمستقبل

3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( شبهه) وشهار ما يقبلك ولا منتسب .

4 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس.

5- – إذا بدت تلفت انتباهك القدور والدلال وادوات المطبخ فاعرف انك ستكون زوج حبوب تغسل المواعين وتلبس مريله عليها صورة فيل.


[overline]ثانيا : اثناء الخطبة :[/overline]



1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.

لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.

2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك وبالتالي تطيح من عينها ..

3 - في الخطبة ان صار فيه مكالمات بعد ما يوافقون عليك .. فلا تصير لصقه وعلة وتنشب كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انتي على السرير وإلا في المقلط ؟ << يخرب بيت السؤال ؟


5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسس ، وإلا باقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير تكرونيه عند الحرم )..

كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره. فتصير مثل اللي بيتهم طين وعندهم ( روز رايز ).

6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا .. مو تصير حبيّب بالخطبة وصدام بعد الملكة. ،، وقبل كذا ارجع بعقلك .. وخل نيتك صافيه يوفقك ربي

7 - كانك واحد من النفرات التتانين اتركوووه وفكر بكره لا جاك عيال وبنيات يبون يشمون هالتتن وتدمر صدورهم .. وقبلهم مدامك تبي تتعب من ريحتك .... وان ماش ماهناش تتن ومحد يشوفك واستر نفسك ( اشد عقاب يوم القيامه المجاهرون بالمعصيه )


والباقي تم حذفه طووووط طووووط
......................................







<<<هذه العضوه ليس لها علاقه بالتفاصيل ولاتعرف مدى صحة المعلومات الوارده وليس بالضروري موافقتها على ماورد فإن اعجبكم كان بها وان لم يعجبكم رجاءاً اغلقوا الموضوع وكأن شيء لم يكن

لذا لزم التنويه والله الموفق



ويبدو انها هربت من ردات الفعل وتبدو غبرتها على بعد كيلو [/align]







التوقيع :






كلن على مقياس طبعهـ فصلنا إحتراامهـ

رد مع اقتباس
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:55 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم