[align=center]
السلام عليكم ورحمة الله وبركاته
انثر لكم هذا الطرح واتمنى ان اقدم ما يليق لسموكم الكريم جميعاً ..
[/align][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصغير علي الحين عظمـك جبـر=ذبحه القلب صابتني بطعنـه يديـك
والله اني حشمتك مير وجهك غبـر=كنت ادور نقا وجهي وانا مشتريـك
يوم عينك محاجرهـا تهـل العبـر=ترتجيني دخيل الله وداخـل عليـك
قلت لي الف تكفى واتحـرى خبـر=اني اكون لك وحدك ولالك شريـك
لين حطيت لك بيـن الحنايـا قبـر=صرت احبك وروحي كلها تموت فيك
كم تمنى خفوقـي غيـرك ولاقـدر=كل من قال ابيك اقول لـه ماأبيـك
غير كثر الوفا من صاحبـك مابـدر=مع حنـان بعـدي بالعطـا والديـك
في غيابك ملا جوي حزن مع كـدر=كل ليلـه تمـر الا وأنـا محتريـك
ماتوقعتهـا منـك يجينـي غــدر=وأنك تخون ..ومنين الخيانه تجيـك
حب خليـت فيهـا حـب ولا قـدر=قلب هو عاد به قلب لجل يحتويـك
صبرعفتك ومن سبتك عفت الصبر=دام منـي نهيتـك لاتظـن ابتديـك
كنت غالي على الخفاق مر وعبـر=غبت محد غصبك والف من يقتفيك
رحت وارد وغيرك بالمحبه صـدر=وانت خل الخيانه عدهـا يرتويـك
كان عمرك كبر قدرك ترى ماكبـر=عقب شفتك بعيني حسبي الله عليك
من ضحك لك تجيه ولاتصدق خبـر=صدمة شيبت عين وخفوقـي يبيـك
والحقيقه حشمتك مير وجهك غبـر=أه يالظلع الاعوج خاب من يرتجيك [/poem]
[align=center][/align]