& قصده وقصيده عن زواج الاربعين &

[ناجي الحفراااوي]

هذي قصه وقصيده اعجبتني ونقلتها لكم من جوالي


وهي من جوال الراوى ...



هذا واحد جاء من قريه إلى مدينه وأشتغل فيها وتقدم به السن شوي

وصار عمره بحدود الأربعين وكل ماجمع من خير أرسله لأهله في قريتهم

وماكتب الله به الزواج وكان له رفيق طيب وحليل وقال له إنت كبرت

وللحين ماتزوجت قال له يالله على يدك زوجني فأشار عليه أن يبيع

المراكي والدلال والقش والفرد يعني المسدس الي عنده بالبيت علشان

يجمع المهر ويتزوج وباعهن وهو ماعنده غيرهن ولقى له رفيقه وحده

عمرها بحدود الاربعين يعني من عمره وعندها ولدين وبنتين من زوجها

المتوفي ووافقت بس كان لها شروط صعبه وحاولوا يخففون من

هالشروط لكنها رفضت وقالت لازم شروطي يوافق عليها.

وكان هذا الموضوع ذكرني بقصيده بنفس الطريقه والترتيب وهي للشاعر

فيصل الرويلي .

والقصيده تقول::


[align=center]هـمت أبعرس في ليالي قـريـبـه ::: وبعت المـراكي والـنـجـر والـدلالـي

وأرسلت من يخطب عجوز هليبه ::: حدبا كما قوس حـنـاهـا الشـمـالـي

وجاب الخبر منها فرى الله يجيبه ::: تطلب ثلاث بشوت والـشي غـالـي

وأربع ذبـايـح وألف نـقـد ضـريـبـه ::: وأربـع طـوايـق والـلـواحـيـق ثـالـي

ومايلحق الضيفه ومايـعـتني بـه ::: حتى الـحـطـب مـاعـنـدنـا لـلـدلالـي

ومن عرض ماقالت أمور عـجـيبه ::: كـسـوة بناتي قبل كـسـوة عـيـالـي

وبـيت كبير واسـع نـهـتـنـي بــه ::: حول المـطار بمـجـرهـد الـسـهـالـي

قلت استخرنا ذي شروط صعيبة ::: ما عـاد نـبـي الـعـرس دب الـلـيـالـي

يا حسايف يا فـرد ياللي غـديـبـة ::: نـمــر الـثـمـان وبــه فـرايــد كـيـالـي

يا حسايف ذيك المراكي دويـبـه ::: وعـشر الـدلال ونـجـرهـن والـزوالـي

راحت علي سبة عجوز غضيبة ::: مـجـــنــونــة غـبـرا عـلـيـهـا ظـلالــي

على رسـول خـيـر نــقتـدي بـه ::: وضــح لـنـا الـسـنـة وضوح الـعـدالـي[/align]





[align=center]وسلامتكم......[/align]