القصيدة منقوله وهي تتكلم عن ظاهرة اجتماعية
[poem=font="Simplified Arabic,5,black,bold,normal" bkcolor="transparent" bkimage="" border="double,3,gray" type=1 line=0 align=center use=ex num="0,black"]
يابنت بعد الستر صرتي تعرين =ولاهوب ذا فرض ولاهوب سنه
لاتلبسين الثوب علاق تكفين = امي وامك قبلنا مالبسنه
وكانك بتقليد الخواجه تباهين = وراك يوم الحشر نار وجنه
وان كان ذي موضه تراكن مساكين = الكافرات لباسهن تلبسنه
لبسن عليكن مثل لبس المجانين= متقطع حتى الظهر بان منه
العاريات الكاسيات الملاعين = ياويلهن من شي يواجهنه
جداتنا باقي صداهن لهاالحين = الكم لامنه قصر طولنه
لاملبسن لبست ديانا ونادين = والساق مثل كلوديا ماكشفنه
وترى الحلا ماهو بكشف الكراعين = ولاهو بكشف الصدر ياللي تبنه
ترى الحلا بالستر بس الستر وين = دام اللباس الفاضح تأيدنه
لاشفتهم بالعرس مثل الشياطين = حتى الشعر فوق الاذان اجبعنه
مالوم انا من عندهن نقص بالدين = الوم زوج خيب الله ضنه
يمشي وراها مثل مشي البعارين = لمطارد الموضه معاها تقنه
واليانصحها قالت اسكت وبعدين = وان ماسكت في كف يدها تصنه
غصب عليه الحب فوق القوانين = لاتحترم رأيه ولاتخاف منه
الجيب فاضي بعد جمع الملايين = بنات حواء ضاعن وضيعنه [/poem]