لقيت حل أبشركم .....

[ابن حرير]

سلام
أحبابي أقتراح بسيط ,,,
بما أن مدينتنا تمتلك أكثر المطبات الصناعية (المخفية) في بلادنا
التي لاتعلم بها حتى تنتفض انت وأطفالك بسيارتك فلا تملك ألا السب والشتم
الشكـــوى لله
فلذلك أقترح أن نبدأ (قطة) نشتري بها 6 (سطول) أصباغ باللون الأصفر ونشخبط على المطاب لتنير سالكي الطريق من الهم والضيق ,,,,,,,,,,,,,,

مجرد أقتراح !!



وصلى الله وبارك على أكرم الخلق
أخوكــــم / خلف

[تركي الوايلي]

يابن حرير

وعليكم السلام ورحمة الله وبركاته

اقول كبر المخده وريح نفسك واترك عنك سالفة صبغ المطبات

ياغالي وش تصبغ عشر مطاب ولا خمسة الآف مطب بحفر الباطن !!

[mango]

جزاك الله خير والحفر حطمت الرقم القياسي بعدد المطبات من بداية السنة وضعو 14 مطب جديد

[حفراوي مطيري]

والله بدال مايسوونه الحكومه حنى نسوويه

والله اقتراحك حـلـوو بــس اذا انت بتسويه لحالك ماعندي مشكله..

مشكور على الأقتراح والله يعينك على الفلووس

[ابودانية]

[align=center][align=center]انا اقترح ان يكون اسم الحفر
مطب الباطن[/align][/align]

[ناجي الحفراااوي]

مافيها شي بعض المناطق الساحليه تقوم بجذب الطلاب من اجل تنظيف

الاماكن السياحيه والشواطئ.

بس السؤال منو يجمع القطه

[اثير]

مشكلة حفر الباطن مع المطبات هي من الاهل وسكان الحي

عند مثلا حينا كل يوم واحد من الجيران مشتكي يبي قدام بيته مطبين

عشان الي جاي من اي جهه قبل يجي من قدام البيت لا زم يهدي السرعه

والله صار شارعنا يغث على ماتوصل نهاية الطريق من كثر المطبات

مع الوقت بتتطور مدينتنا بس تفائلوا

الي بيربح محل الاصباغ

[حفراوي وافتخر10]

مشكلة حفرالباطن مطبات الواسطه (كل موظف بلديه واضع مطب امام منزله)

كل صاحب ديوانيه واضع مطب رسمي او غير رسمي امام ديوانيته