هم حاجتين إحرص عليهم قبل الحجز ، نظافة دورات المياة " تكرمون " ومدى ملائمتها للإستعمال ، وتعدد القنوات المفيدة . بعض الفنادق والشقق يلمعون لك البلاط والشراشف وعطورات ، إذا جيت للدورة المياة تحصل السيفون خربان ، أو للبيبان صرير . وتحصل القنوات 11 قناة فقط . نصفها ما يستهويك ، وبين كل قناة وقناة أربع قنوات " توشوش " .
اقتباس:
المشاركة الأصلية كتبت بواسطة حسن حسنين
فيه فندق سكنت فيه في الدمام اسمه رمادا الشرق عند دوار الصدفه اليوم بميتين وخمسين مادري ثلاث ميه وخمسين
وخمسين ريال تامين كرهت حياتي فيه وكرهت الدمام والسبه الفندق اول شي لحالي وكعابي ماعندي سياره وقلت خلني اخذ الفندق ذا شكله خطير وفيه كل القنوات اقزر عليها لين الصبح واروح لشغلي وارجع للحفر قسم بالله كرهت حياتي مافيه الا قناة السعودية الانقليزيه وقناتين اطفال حقت المجد وقناة السودان مشفره قلت خساره الثلاث ميه قلت لو اني متبرع في الثلاث ميه للبوسنه والهرسك و ساكن في عزبة بنقاليه بمقابل اني اسوي لهم العشا اصرف..... لو اني جلست يوم ثاني في الفندق ذا حذفت نفسي مع سطح الفندق والى يومك هذه وانا كاره الدمام والسبه ذا الفندق الله لايعيده هم وقنواتهم
اقتباس:
المشاركة الأصلية كتبت بواسطة جروح الذاكرة
بس عزالله إن فندق البطحاء رايق بعد التحديثات . قبل 8 سنوات كانت الغرفة بـ 150 ريال وقبل 5 سنوات كانت الغرفة بـ 300 ريال ، أذكر إستغربت ، بعدما ما شفته قلت يستاهل . اللي يحب البطحاء والفرفرة فيها لا يفوتة هالفندق .
اقتباس:
المشاركة الأصلية كتبت بواسطة حسن حسنين
البطحاء اطلق من فندق فور سيزون وفيه سوق اطلق من سوق
ماجنيفيسنت < ملطوش من قوقل :) قبل يوم كنت ساكن في الرياض ماشتري مقاضي العيد الا من البطحاء عماير الراجحي
اقتباس:
المشاركة الأصلية كتبت بواسطة جروح الذاكرة
إلا بسألكم : كم عدد والشقق المفروشة الآيله للسقوط في وسط سوق الحفر ؟ .
اقتباس:
المشاركة الأصلية كتبت بواسطة حسن حسنين
قبل السؤال ولا بعد السؤال
وثاني شي انا حاط اكس على مملكتنا الحبيبه كلها مو بس الحفر
اقتباس:
المشاركة الأصلية كتبت بواسطة جروح الذاكرة
شكرا ً يابو حسنين
عفواً يانعوم تشومسكي وماتتصور كم جلست ساعه وانا اكتب الرد وخلصت بكيت كامل وانا جالس اعدل وادور ردود من قوقل بصراحه يبي لي رحلة استجمام في جزر الهاواي بعد التعب الي تعبته من كتابة الرد
تصدق في إجازة العشر الأيام الخاصة بالمدارس من العام الماضي إتصلت على هالفندق وكنت ناوي أحجز لواحد من الربع جاي هو وعائلتة . قالوا مافيه حجز ، سالت طيب كم الغرفة عندكم ؟ . قال لي المصري 900 ريال . كانت إجازة عيد الفطر اللي قبل إجازة هالعشر أيام صفعة لأصحاب الشقق المفروشة لأن أذكر ما جاء وقتها سياح كثير بسبب الرطوبة . وقالوا مافيه إلا نعوض بإجازة العشر أيام . المهم إذا انت بالشرقية خل فندق رمادا على يسارك ، يجيك دوار الصدفة ، اطلع على طول ، يجيك المارينا مول على يمينك والكورنيش على يسارك ، اطلع على طول . لين تجيك إشارة الشيراتون . وإطلع على طول :) لين تشوف على يسارك عدد من العماير ، هذي المنطقة نظيفة وحلوة . فيه شقق اسمها سيتي ستار لا تفوتك . نظيفة ورخيصه . ووسيعة . ماهو دعاية لهم لا والله ، بس لأن حتى في المواسم حصلتهم أقل الشقق بالأسعار . تخيل ثلاث غرف وصالة ودورتين مياة أخذتها لواحد من الشباب بـ 500 ريال . في الوقت اللي تحصل فيه غرفتين وصالة بنفس السعر .
توني مشطفته قبل ساعة ... تعرفون الصغار ليا مر أبوهم البقالة
شلون يقمزون .. ويبكون < هذي أنا
لا و أبوي يطالع مستغرب " بسم الله .. هذا متى جا .. و الله أول مرة اشوفه "
.
.
شكله أحلى من الصور بكثيييييييير !
بس ما أدري كأنه حق مؤتمرات و رسميات ..
الله يعطيك العافية ع المعلومات
بصراحة أبوك ما ينلام يوم يسأل ، لأن حسب ما عرفت إن بناء الفندق إنتهى بوقت قياسي مع أن إدارة الفندق كانت متوقعة بأن إفتتاحة سيكون في بداية عام 2012م .
قرأت بأن الفندق مُخصص لإستقبال السُفراء والدبلوماسيين الذين يحجون للرياض لهدف سياسي أو إقتصادي . هناك برج آخر لمجموعة " الريتز كارلتون " يشمل فندق ومجمع تجاري على طريق الملك فهد ، ولا أعلم هل تم البدء فيه أم لا