انت الحلا كله ومافيه نقصان
وانت القمر لامن سطع في سمايه
انت بدايه حب ونهايه احزان
وانت نهايه دنيتي وانتمايه
انت العمر والامر ياجمل انسان
ماظن شعري في غلاكم كفايه
يانور عيني والشقاء صار عنوان
ياسعد قلبي بالشقاء ياشقايه
ياوردة تملا من الحب بستان
ويامزنة تروي بقلبي ظمايه
صورتك بعيني دوم نايم وسهران
واردد اسمك واكتبه في شفايه
دايم اشوفك ورده بين الاغصان
ودايم احسك بين قلبي وحشايه
حبك دخل قلبي من سنين وازمان
حب بداء معاد يقبل نهايه
عساك ياكل الغلا مانت زعلان
تدري رضاك لبرد عمري دفايه
اطلب من الله شوفتك بعد هجران
مشتاق احقق منيتي يامنايه