[align=center]السلام عليكم ورحمته وبركاته
هنا الشاعر الكبير مناحي ابو شعرتين ينظم قصيده جميله تبين اسمه بالكامل
ومدينته وقريته ويتبين لك ذالك عندما تتابع الحرف الاول من كل بيت
اتمنى لكم الاستمتاع بهذه القصيده:[/align]
[align=center]اسمي وعنواني[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=1 line=1 align=center use=ex num="0,black"]
أبدأ وسمّي وبسم الله بداياتي = سار القلم باسم ربي في بداياته
نظمي عن اسمي وعنواني ومجهاتي = كل يبين عناوينه ومجهاته
الحرف الأول بداية رابع أبياتي = ونهاية العلم عند نهاية أبياته
مدري عرفت التعرف من هواياتي = ياكل طيب هواياتي هواياته
ناديت الأصوات يوم اسمع مناداتي = اللي ينادي مناداتي مناداته
أبدي بروس المراقيب المنيفاتي = أبدي مع الحر في عالي منيفاته
حبيت أوضح لبعض الناس رغباتي = والطيب أدوره وأحب رغباته
ياللي لكم في دروب الطيب وقفاتي = الرجل ما يعرف الا وقت وقفاته
مادام مد النظر من فوق هقواتي = كل يقيس نظر عينه وهقواتـــه
حاولت أسوي سواة الناس وسواتي = عينت كل بعقله رضي بسواته
مجبور أعبر عن المكنون في ذاتي = واهدي لمن عبر المكنون في ذاته
دعاني الداعي أكتب في سجلاتي = سجلت من جيز من سجل سجلاتــــه
أكتب تواريخ وأقدم تحياتي = ردا على من يقدم لي تحياتــــــــــــــــــه
بالورد والمسك مردود الهدياتي = تعم وتخص من وصلت هدياتـــــــــــــه
ودي مع الطيب أقوي علاقاتي = واللاش مالي علاقه في علاقاتـــــــه
شفي وشوفي ومقصودي وغاياتي = غايات من لا تعرف الناس غاياته
عطيت عرفي وقدمت اعترافاتي = مدام كل تقدم باعترافاتــــــــــــــــه
راويت بالرأي لأصحاب الرواياتي = والرأي رأيه لمن يثبت رواياتــــــــه
توي عرفت البشر صدقان واعداتي = صدقان ذا الوقت ما ترعف من اعداته
ياما كتبت القوافي باختياراتي = عسى خياري من إخيار اختياراتـــــــــه
نوادر الشعر طبع وانطباعاتي = تطبع ع صاحي الفكر انطباعاتـــــــــــــه
أعرف وأميز بروحاتي وجياتي = تجارب الوقت روحاته وجياتــــــــــــــه
لقيت ناس تخالف الاتجاهاتي = كل على قد سيره اتجاهاتــــــــــــــــــه
شد انتباهات غيري وانتباهاتي = شيء يشد انتباهي وانتباهاتـــــــــــه
هذا ولعل قولي يخدم اسكاتي = والعقل ميزان قول الرجل واسكاتـــــــه
رفرف جناح السعادة بالمسراتي = عسى زماني تهيألي مسراتـــــــــــه
أطلب من الله عالم الخفياتي = يروف بأحوال من يعلم خفياتـــــــــــــــه
ناجيت ناجيت من يسمع مناجاتي = عبدك يناجيك يا سامع مناجاتـــــه
يصفي زماني بتوصيف المصافاتي = واصافي اللي مصافاتي مصافاته
باتعب من أجل الجواهر والجنيهاتي = لو يرخص السوق ما ترخص جنيهاته
ياللي تعاني على الدنيا معاناتي = كل يعاني على الدنيا معاناتــــــــه
شفي صديق صدوق طول الأوقاتي = اللين ولا القسا ما تخلف أوقاتــــه
هذي مشاعر جداد المستجداتي = والشعر معاناه يبري مستجداتـــــــــه
أحس واحسب واحاسب في حساباتي = واحسب بحساب من يحسب حساباته
لقيت بين البشر فرق المساواتي = سبحان ربٍ خلق واخلف مساواتـــــــه
معروف طبع البشر فرق المساواتي = من شاف ما شفت فكر باختلافاته
رضاالبشر من كبار المستحيلاتي = والخلق ما هي بتقوى مستحيلاتــــه
ودي بكشف الحقائق والبياناتي = بانت بيانات من بانت بياناتــــــــــه
هذا وصلوا واصلي عد الأياتي = على النبي عد ما يقرأ من أياتـه[/poem]
[align=center]الاسم : مناحي محمد ابوشعرتين الشهراني
المدينه : بيشه
القريه : المروه[/align]
[align=center]
ولكم ودي وتقديري[/align]
العرض العادي
