[align=center]اترك جمالك ياحبيبي على جنب
غير الحلا يعجبني بزود طيبك
كلك على بعضك تجنن وتنحب
حظي كبير اللي جعلني رفيقك
إن كان حبي بنظر بعضهم ذنب
يامرحبا والله بذنب يجيبك
ماقول غير الله يخليك يارب
اوعدك وانا على الوعد ابتديت
شوقي بقلبي وانا قد الوعد
واعرف اني بالوفا منك اشتريت
عشرتك ومحبتك طول الامد
شايلن قلبي على كفي وجيت
خذ حياتي بس ابي قلبك بعد
شتبي اكثر من احساسي هديت
شتبي اعطيك من عمري بعد
محدن قدر يجيب اقصى دموعي
الا انت لامن غبت يسري بي الدمع
حتى طبوعك غيرت لي طبوعي
انت الغلا والحب والشوق والطبع
تبي مكانك ؟ قم وطالع ضلوعي
حرام انك ماتفارق ولا ضلع !!