[poem=font="Simplified Arabic,5,limegreen,bold,italic" bkcolor="black" bkimage="backgrounds/3.gif" border="double,8,blue" type=0 line=0 align=center use=ex num="0,black"]
(((( الموت وغيابك ))))
كثر عين اليتيم اللي ترجت من بخيل إحسان = تخيل مو كثر دمعٍ بعيني نزفته دم ببأسبابك
تخيل قد ماتقدر تعايش ساعة الحرمان = تصور كيفها حالك إذا خانوبك أحبابك
تخيل روحك بكفٍ بخل فيها عليك إنسان = مصيبه تنسرق روحك ولانته حاسب حسابك
تصور صدمة الغفله تجي من كف له ولهان = تخيل واقع الصدمه وهي تأثر على أعصابك
لي الله كل ماتخطي أجيلك منكسر غلطان = أقول إن الخطا مني دخيلك أطلق عتابك
من شروق الشعر حتى ضحاالذكرى أفيض أحزان = إلى مغرب معاناة إندفاعي واقف ببابك
وصلتك من ورى غفوة جروحي ضايق وحيران = كرامة عزتي دسته أبي عيوني تهنابك
بكيت لهالغلا يتمه تلفت مالقاله إخوان = يهيم بقايلة وهم ولقى ظلك تفيابك
ولأجلك شلت من غبن السنين جبال من حقران = تخيل كم تعريت بزماني بأستر ثيابك
وعلى كثر الوفا مني تجازيني بكذا نكران = جحودك كاليهود ولا بيديني شئ وأغتابك
لي الله مره أطروك بحضوري ولك شهقت أحزان = وتوجد كل عرقٍ من عروقي وصاح وش جابك
وشآخرة الغلا ياللي هديت لصاحبك أكفان = يليتك محترم هجري وأقول إن الله أولابك
ورحيلك وش ترك فيني سوى تابوت للجثمان = وعرفت الموت له إسمين وكان الثاني غيابك
عادل الظفيري وريث الجرح[/poem]