بسم الله الرحمن الرحيم
ياخي انا حبيتك من اول الموضوع وزاد حبي لك توقيعك
وزي ما قلت انت الاختلاف بالراي لا يفسد للود قضيه .
نرجع لمحور حديثنا
اما عن كونك نقلت خبر فالخبر كان لا يشكل ربع الموضوع اما الباقي
فاذا كنت لا تعتبره ديباجه فماذا تعتبره ؟ ذكرك للعريف والجندي وش خانته
من الموضوع الا اطراء ومديح لهم لان ما يذكرون الا بحالة كونهم عملوا عمل جبار !!
هذا شي والشي الثاني انت قابلتهم على طريق الكويت والصور عند الفوزان اذا كان الهدف
اعلامي بحت ولا لو كان الموضوع صدفه لتم التقاط الصور بطريق الكويت والسلام.
نقطه اخرى الموضوع صار له حول شهر وانا ما اكذب الخبر لكن انا ببين لك
ان شغل المرور مش حالك يعني ( أي كلام) وضع اشاره ضوئيه ياخذ شهر وزياده وما ندري
متى تبي تركب لكن لو كان يبي يوضع خطه مروريه كامله فكم حياخذ تنفيذه برايك
( قياساً بالاشاره الضوئيه يبيله من عشر سنوات الى خمسة عشر سنه ).
اخوي فيه موضوع تهكمي لاحد الاخوان عن طلعه تفقديه لمدير البلديه
والتهكم بموضوعه (طبعا وانا معه بتهكمه ) ان مدير البلديه خلى
كل شي عندنا روعه من بداية طلعته التفقديه الى سالفة الحديقه الاسفلتيه .
المهم وهالموضوع مثله بصراحه لو كان الكلام عن غيره من الادارات كان الواحد
بلع الموضوع لكن ادارة المرور هذي صايره عندنا زي مكتب العمل دوام مكتبي
بلا أي دوريات . اما قولتك (على كلامك هذا كل شخص
يبيلنا عسكري مع كل شخص يمشي وراه علشان
يراقبه أذا عكس أو قطع اشاره و غيره , لا بالعكس
الديره تطورت والحمدلله)
ياخي لو هالمخالف يعرف ان فيه نظام يبي يردعه كان ما سوى كذا حتى لو لحاله , مثله
مثل أي مكان بالعالم لكن خابر انه من سابع المستحيلات انه يلقى دورية مرور فيخالف
وهو مغمض . ياخي وش تبي غير الهنود والاجانب قامو يخالفون عينك عينك هذا وش يدل عليه .
ياخي موضوعك هذا بحد ذاته ادانه لهم لانهم شايفين عمل نقطة تفتيش هذا عمل جبار لهم يستاهل
مقال اعلامي زي مقالك ينثر فيه بطولاتهم الانتحاريه ببحثهم عن تطويف الرخص بنقاط التفتيش.!!!!!
ياخي المشكله انك تتكلم مع ناس ساكنه الحفر. وش التطور اللي جانا من المرور هل نقاط
هالتفتيش اللي شفتها تعتبر تطور اذا كان كذا فهنيئا لنا هذا التطور .
ياخي ما نبي لكل شخص عسكري نبي لكل 5000 شخص عسكري ياخي هذا واجبهم مالهم منه
واللي تكلمت فيه انا من تفحيط وقطع اشارات هذا واجب عليهم يسونه واذا ما سووه وش نبي فيهم.
اما بقولك (بالنسبه للمقدم هذا لو سمعت محاضرة اللي بالكليه التقنيه , , أو لو تشوف
تعامله مع افراده , ومع المراجعين , و الله تغير وجهت نظرك عنه بسرعه شي يدل على أنه
الرجل المناسب بالمكان المناسب )
ياخي انا ماقلت انه سيئ انا اقول ونعم فيه مع اني ما اعرفه لكن انا اقيم شغله فقط. فكلامه بالمحاضره
ماسمعته وان شاءالله انه كلام جميل فالمفوهين كُثر اما عن تعامله مع افراده والمراجعين تمام فانا ما انكر هذا
مع اني ما قد شفته لكن العمل الاساسي للمرور ميداني وانا اقيم من خلال عمله. فلا تخلط المرور اخوي الميموني.
اما عن قولتك تريث فما بعد تريثنا هذا شي لكن راجع بينك وبين نفسك باخر خمس سنوات وش التغير اللي صار بالمرور
وشف هل يستحق التغير الاشاده او لا.
[align=center]بسم الله الرحمن الرحيم
مع التحية للاخ كاتب الخبر
تشكر على ماقمت به من ملاحظة حسنة على مدير المرور.
ولكن واجب المرور لايقف عند تركيب اشارة من عدمها
فكل ما يقوم به مدير المرور من مجهود هو من صميم عمله ولا يحتاج ان يشكر عليه ، فلو سألته عما قام به لقال هذا قليل من الواجب ، ولنا في سعادته امل ان يرسل دوريات الى ا لمدارس وقت الانصراف وكذلك وقت بداية الدوام ويقف هو بنفسه ليرى الفوضى التي تحصل من ضعاف النقوس من الشباب ومضايقة اولياء الامور واصحاب السيارات بالتفحيط والدوران الغير مبرر و رفع مكبرات الصوت ويكفي مثال على ذلك مدارس المحافظة فلو تكرم ووقف هناك رأى بعينه مايحصل لكان اولى من التقاط الصور له بجوار حديد الفوزان .
- هناك فوضى عند الاشارات وعكس الشوارع والا مبالاة من ضعاف النفوس الذين لا يجدون من يردعهم فواجب مدير المرور التركيز على العمل الميداني حتى يشعر من ينوي المخالفة ان وراءة جهة سوف تحاسبه ، اما وقتنا الحالي فالمرور لا وجود له في الميدان وكأن واجبه مقتصر على العمل المكتبي فقط .
- كل مايكتب في المنتديات والصحف لاييقصد منه التجريح والله يعلم ولكن هي الغيرة على هذا البلد الغالي على الجميع واظهار الواقع للمسئولين بما يمليه الضمير والله من وراء القصد .[/align]
).
العرض العادي
