الحمد لله إني حوّلت راتبي من الراجحي الى بنك البلاد بعد معاناة استمرت 9 سنوات من سوء الخدمة وعدم احترام العملاء
تركي شكرا على التغطية
افضلك والله مع العلم ان جميع افرع الراجحي لديهم الاسلوب نفسه ليه مدري والله
مدري هل سليمان الراجحي معطيهم صلاحيات بهذا الشيء او ان سليمان الراجحي شايب ماهو داري عن شيء وهو بالاخير تجيه الدعاوي والكلمات الغير مستحبه من العملاء بسبب موظفين الراجحي وطرق اساليبهم التي لايرضاها اي شخص
لوأن كل شخص اعتبر هالشايب ابوه وسال نفسه هل يسمح لابوه بمثل هذا الموقف؟
موظفين بنك الراجحي لو كلمتهم كأنك تكلم وزير وعلى فكرة موجود كميرات المراقبة لو قدمت شكوى للإدارة العامة وطالب بسحب الفيلم لتلقاهم يحبون راس الشايب بس يتنازل أنا أعرف احد الاخوان ماخذ سيارة من البنك الاهلي وطلب من الموظف تفويض قاله ماعندي وش أسويلك رفع علية شكوى وإتصل علية الاخ نبيل مديرهم من الدمام وإعتذر من هذا الشخص وطلب منه ان يتوجه الى الفرع لاخذ تفويضه يقولي الشخص نفسه مالقيت الموظف لانهم شالوه.
بس عاد هذا شايب وش عرفه بالشكاوي واحنا عارفين ان يوجد كاميرات بالبنك بس عاد قولي هالكلام لعياله لو كانو معه
يعطيك العافيه تركي على الخبر
عن انس رضى الله عنه ان الرسول صلى الله عليه وسلم قال: انصر أخاك ظالماً أو مظلوماً، فقال: رجل يا رسول الله أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
فكما تعلم والأخوه بالمنتدى ان بعض كبار السن يجهلون كثير من الانظمه واللوائح فلو حاولت ان تبين لهذا الشايب اطال الله بعمره ان النظام واجهزة البنك لاتقبل السداد للفواتير المنتهيه لتاريخ السداد يمكن ان تكون قد منعت بعد قدرة الله ماحصل من لغط وتطاول بالكلام
ولو انك هداك الله اخذت الفاتوره وحاولت سدادها امام هذا الرجل بالصراف لكي يعرف ان الامر خارج عن سيطرة الموظف كان اجدى
والأخوان هداهم الله موظفى البنوك مخلوقين من دم ولحم ويمر عليهم اشكال واصناف من البشر وكل شخص له طاقته من الصبر والاحتمال وهو ليس دفاعى عنهم ولكن هذا هو الحال
ولك انت والقراء خالص الود والحب
اخوي الكريم حفرنون
لو هذا الشايب هو ابوك وشاهدت مثل ماشاهدت عيني هل ترضى بهذا الاسلوب من الموظفين على الشايب
وحتى على قولتك لو الفاتوره منتهيه تاريخها ولايسمح به النظام بالتسديد بالبنك
طيب الاحترام والاخلاق اليست مطلوبه للعملاء ؟
ولا فقط لفرض السلطه على الضعوف
هل يقبل احد ان يجيه موظف ويقول له انت مجنون وماني مسدد لك ورح وراك وكلام غير مرضي
هل ترضاه
اخوي موظفين بنك الراجحي اسوا الى اسوا وهذا معروف بجميع افرع الراجحي ولا اعرف وين سليمان الراجحي عنهم
روح الى بنك الرياض والبنك الاهلى وبنك البلاد شفهم هم نفس اسلوب الراجحي
طبعا راح تغير رأيك الرياض والاهلى والبلاد والله ان اسلوبهم وخدماتهم انها افضل من الراجحي بكثير
ولكن الراجحي عنده بعض الخدمات التي وفرها للموظفين فقط وخاصه بالنسبه لامور التمويل الشخصي وتعدداته الكثيره
ليش مستغربين من تصرف موظفين بنك الراجحي وحتى أي بنك ؟ عادي وماتفرق معهم ويمكن توصل إنهم يشيلونه مع رجليه ويديه ويحذفونه برا البنك خاصة إذا كان رصيده ما يتعدى الف وثمانمية ريال ( راتب التقاعد ) . لكن لو هالشايب عنده رصيد بالبنك أكثر من مليون تحصل مدير الفرع يخصص موظف يوصله حتى للبيت ، لكن بعد ما شيكوا على حسابه وعرفوا ما عنده إلا كم الف قالوا ما بقى إلا هذا المخرف يشغلنا . كبار السن تقديرهم واجب وفي كل مكان سواء في المجالس او في البنوك او في الأماكن العامة . لكن موظفين البنك تقديرهم للشخص على حسب رصيده في البنك ، يعني يجيهم شايب ماعنده إلا ست آلاف يقولون له خذ لك رقم ، يجيهم واحد ما تعدى عمره عشرين بيسوي إيداع بمية الف ريال ، يقلطونه عند المدير ويجيبون له شاهي حتى لو بنهار رمضان .
يحضرني قول ابو العلاء المعري عندما تمنى الموت بعد أن إنقلبت الثوابت رأساً على عقب : فالكريم يُعيّر لكرمه من البخيل ، ورجل الدين يُحط من قدره من قبل الفاسق ، والظلام يُصبح عند البعض مرغوب أكثر من نور الصباح :