[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=3 line=1 align=center use=ex num="0,black"]
ياخوي لاتحزن ترى خالقك فوق = الي حمى يوسف من الغدر والبوق
كيد النساء والسجن مع بيعت السوق = وأخوانه الي عاملوه بقاطيه
@@@
راحوا لأبوهم قالوا الذيب غدار = جانا على غر وكلا يوسف البار
وبقدرة المولى حكى الذيب ماصار = وبين لأبوهم كذيهم والخديعه
@@@
يعقوب من ماصار بالحيل منصاب = وأصبح كفيفً لزرق الدمع سكاب
يزعج ونينً وأسود الراس به شاب = وضاقت عليه الأرض عقب الوسيعه
@@@
صابر ولاله غير رب الجلالي = يقول ياربي عليك أتكالي
تردلي طيرً حدته الليالي = أقفى وخلابي جروحً شنيعه
@@@
يوسف خذى بالسجن له عدت سنين = ماله ونيسً بالملا غير شخصين
واحد توفى عقب تفسير حلمين = والشخص الآخر عاش عيشه رفيعه
@@@
عند الملك وأصبح قريبً مقرب = قال الملك حلمت حلمً مكرب
هاتولي الي بتأويل جرب = سجيننا والي يقوله نذيعه
@@@
أبيك تنبينا بسبعً جزالا = كلنهن سبعً ضاعفً هزالا
يوسف دعى ربه عزيز الجلالا = يارب ساعدني على ماستطيعه
@@@
تلفي عليكم سبعة أعوام بالخير = محصول طيب يشبع الأنس والطير
محصول ماتقوى على حمله العير = سبعة عوامً زايداتن ربيعه
@@@
وياتي وراهن سبعً سود يباس = يصير في جدبه مجاعات لناس
والي خذى حذره سلم وقعت الفاس = وحصادكم بالعين تارا صنيعه
@@@
ومن بعد ذا أصبح وزير الخزانه = لأنه أمين ولايخون الأمانه
وهذي جزات الي صبر في مكانه = يدعي وليه والولي هو سميعه
@@@
وصارت تجيه الناس من كل الأقار = كلً يبي يكتال شيبان وأصغار
وليخوته معهم على الهجن حضار = من عرض من جوله يبون النفيعه
@@@
وأتهم صغير القوم بأنه حرامي = وأنه صرق صاع الملك بأتهامي
ثم قال لاتحزن عليك السلامي = أنا أخوك الي نزل بالطليعه
@@@
قال أخوته خذنا مكانه وخله = أبوه لو يدري يموت بمحله
عودً كفيف وفيه بالقلب عله = كله سبايب فعلنا والهزيعه
@@@
ثم قال ياخواني تناسيت الآلام = والعفو عند المقدره شيمت كرام
روحوا لأبوي وغطوا بوجهه الخام = يرجع بصير بقدرت الي نطيعه
@@@
راحوا لأبوهم قالوا أبشر لقيناه = وهذا القميص الي من الخل جبناه
وتحقق بعون الله الي تمناه = وتبددت كل الأمور الفضيعه
@@@
وياخوي تر صبرك للأفراج مفتاح = ولابد يوم الحزن تنهيه الأفراح
وصلاة ربي عد مابارقً لاح = على شفيع الكون يوم الوليعه[/poem]
كلمات /عبدالعزيز باتع الرخيص
ياخوي لاتحزن
العرض العادي
