تقاطع الفوزان؟؟؟؟والحل

[ابوتركي13]

السلام عليكم ورحمة الله وبركاته .....وبعد
الكل يعلم ويعرف تقاطع الفوزان الخطير والكثير تضرروا من هذا التقاطع
فلذلك ذهبت امس الى مدير المرور لكي اشتكي له من هذا التقاطع
ووجدت الرجل متفهم عندما اخبرته بالموضوع ووعدني بأنه سيتم حل المشكلة عن طريق وضع
اشارة ضوئية
واخبرني انه تم ترسية المشروع على احد المقاولين وسوف يتم تركيب حوالي 16 اشارة على مستوى
المحافظة
ولكم تحياتي .

[سواح]

والله بصراحه الموجودين بالحفر مع احترامي لهم ماينفع بهم لا إشارة ولا غيره ، هذي الاشارات عندهم ويقطعونهن لأن مافي مرور. لأن ابو الشباب ماعنده وقت يبي يروووح للأستراحه أو مستعجل طفاااقه،، أخوي يعطيك العافية على ذهابك له ولكن لماذا لم تطلب منه تفعيل الدوريات داخل المحافظة لتقليل من الحوادث والمحافظة على الامن . وتقبل مروري المتواضع.

[الرقيب المناوب]

ولماذا لايكون بديل الاشاره هو الدوار .

[عايد الخالدي]

اقتباس: والله بصراحه الموجودين بالحفر مع احترامي لهم ماينفع بهم لا إشارة ولا غيره

صحيح والله ما ينفع معهم لا إشارات ولا مطابات
وأنا صراحه واحد منهم
تقريبا يوميا أقطع الإشاره
لتأخر الوقت أضطر لفطعها

مشكور أخوي ابو تركي على هذا الطرح
ونأمل التعاون من المرور

[فايز الشمري]

والله لا إشارات ولا دوارات

مالك إلا تكتب وصيتك عند كل خروج من البيت للبقالة أو للعمل أو زيارة قريب

الكبير والصغير والعاقل والسفيه والملتحي والحليق والرئيس والمرؤوس

كلهم في الهوا سوا

أظننا بحاجة لحظر التجول الذي عمل به قبل عدة سنوااااااااااااات

مع أني كنت من المعارضين له وقتها لكن الأيام اثبتت خطأ نظرتي

مالك إلا تروح وترجع موسع الصدر بدون لعان وسباب

[سليم الشرعان]

الصراحه لوكان دوار افضل من الاشاره
شكرا لك يا ابو تركي على المجهود بارك الله فيك

[ابوتركي13]

يالربع شفتوا الدوار اللي كان عندنا وش عملوا فيه
البقاء للأقوى
هو دوار وحيد وكان الناس يتصارعون فيه
لكن الاشاره اهون شوي لو يحطون عندها دوريه باستمرار

[مشعل القشيطه]

المفروض لا اشارة ولا دوار
المفروض مطب (ضلع عالي جدا وتحته حفره بعمق 6 متر) بحيث ان الواحد ما يسرع ويخاف على سيارته اكثر من ارواح البشر
تقبلوا اقتراحي الجهنمي>>>>>>>> خخخخخخخخخ

[راعي طويله]

اقتباس: المشاركة الأصلية كتبت بواسطة مشعل القشيطه    المفروض لا اشارة ولا دوار المفروض مطب (ضلع عالي جدا وتحته حفره بعمق 6 متر) بحيث ان الواحد ما يسرع ويخاف على سيارته اكثر من ارواح البشر تقبلوا اقتراحي الجهنمي>>>>>>>> خخخخخخخخخ

صدقني ماينفع معهم الا كذا