هب البراد وسير الجار للجار

[نسـ الشمال ـــيم]

هب البراد وسير الجار للجار

--------------------------------------------------------------------------------



قصه وقصيدة للشاعر عبدالمعين بن عقل بن ثعلي الروقي العتيبي في ( شبة النار )


قصيدة وهي عبارة عن نصيحه لعبدالمعين ، وتحكي عن الفقر والعازه في ايام البادية الاولى ، وكانت القهوه عندهم قليله وغالبا ما يجدونها ، وكان عبدالمعين دائما مجلسه عامر بالضيوف ، وبعد مده سأل زوجته عن القهوة ، فقالت لايوجد الا ثلاث وجبات من بن القهوة ، فقال لابنه وزوجته اجل خلوها يمكن يجينا ظيف او عاني من بعيد ولاتشبوا النار ، حيث كان حريص على الاحتفاظ بالقهوة الباقية لان الناس من اول قليل عندهم البن ويذهبون ليجلبونه من مكان بعيد ولايذهبون الا كل 4 اشهر ، وكان عبدالمعين يذهب لجلبه من عميله باسمبل في مكه ، وكان جماعة عبدالمعين اذا امسى الليل كالعادة اذا شب ضو النار وسمعوا النجر سيروا عليه بدون عزيمه يتسامرون عنده كعادة العرب قديما ، لكن مر اسبوع لم يشب عبدالمعين النار حيث كان يقوم كل ليله بالمسيار عند جماعته حتى لايأتوه خوفا على ماتبقى من القهوة ، وخوفا بأن لايتفشل اذا جاء له ضيف والقهوة قد نفذت ، وبعد اسبوع قال ابنه : ابوي لنا اسبوع ما شبينا الضو وحنا نتقهوى عند فلان وفلان وفلان ، فأحس عبدالمعين بخطأه واعجب بكلام ابنه ،



وهاضت نفسه شعرا وقال :



يابدير ما ازين شبت العصـر للنـار*****لمالـت الفـيـه وحــار الظـلالـي

هـب البـراد وسيـر الجـار للجـار*****وجات السوالف بين غالـي وغالـي

سوالف (ن) بين النشامـا لهـا كـار****لا مشـى الفنجـال صفـر الـدلالـي

ربعلهـم لاشبـت العصـر مسـيـار*****ذولا بنـي عـمـي وذولا خـوالـي

وانا على اللي اكلفلهـا بـن وبهـار****وانـت عليـك تقـوم وتشبهـا لـي

في بيت قصرن يوم في العشي حار***لابـد يـوم الغيـث سمـر اليالي

لابـد يومـن بـه القصـر ينـهـار****ولا نمـوت يصبـح القصـر خالـي

وتبقى لمن يبقى على طول الاعمـار****وانا نـزل غيـري وحـل ارتحالـي

مرت على غيـري تراديـد ومـرار****لاشـك مـامـرت علـيـه لحـالـي

يـارب اغفـر زلتـي وانـت غفـار****بحسـن الجلالـه ياعظيـم الجلالـي

يامن شمل عطفه ولطفه هـل الغـار****ورسـت بأمـره رواسـي الجبالـي

ماكل ليل(ن) من ليالـي بـو سـرار****ولاقامـت الدنيـا بسـط وعـدالـي

يوم(ن) لها اقبالن ويوم(ن) لها دبـار****وكـم فرقـت بيـن غالـي وغالـي

ولا اقبلـت اشـرق زهرهـا بنـوار****رجعـن يعلـه كـل يـوم(ن) خيالـي

يامـا قطـف جنايهـا مـن الاثمـار****ويامـا نشـا فيهـا شبابـن وزالـي

كم عاش فيها من طويليـن الاشبـار****قـواد الهيجـا زحــول الرجـالـي

اليـوم مامنهـم علـى الحـزم دوار****هـذي منازلـهـم خلـيـن تـلالـي

حطولهـم فيهـا عقـارات ومــدار****في داعسـه وعظـام اهلهـا طوالـي

ولايا بدير لا تمشى على همش الاخبار****تـروح فيهـا بيـن شيـل وشوالـي

وليا جفاك الـدار غيـره مـن الـدار****ولراكـب الديـره عراضـن طوالـي

ولاتشتشير ابشار مـن لامعـه شـار****والـعـد لاتــرده بلـيـا مـدالـي

ولو مال منشوق الفضـا كلـه هـذار****سولـف ومدلهـا طويـل الحبـالـي

وانا بخبـره حايـز(ن) كـل الافكـار****لاهـوب لامكسـب ولا راس مـالـي

والنـاس توخـذ بالفوايـه والافكـار****وكل (ن) ومايفعل علـى كـل حالـي

وهذا وصل الله علـى سيـد الاخيـار****علـى نـبـي مرسـلـن بالعـدالـي

اعداد مـا مالـت هماليـل الامطـار****وماهبـت الحايـه جنـوب وشمالـي


وسلامتكم

[طبعي سموحي]

[align=center]صح لسان شاعرها ولسانك ولا هنتي نسيم الشمال الله يعطيكِ العافية على القصة وعلى القصيدهـ وننتظر المزيد .

إجمل التحايا ،،،

م
ط
ن
و
خ[/align]

[نسـ الشمال ـــيم]

هذا من طيبك اخوي مطنوخ تسلم



على مرورك الذي اسعدني




دمت بود

[امــــــ الليل ـــــير]

صح لسان الشاعر

قصيده جميله


وماقصرتي نسيم الشمال على النقل الرائع والجميل

واحب ان اشكرك لما تقومينه به بنقل القصائد والقصص الجميله لابناء الجزيزه العربيه دون تعصب


فلك من كل الاحترام والتقدير

[نسـ الشمال ـــيم]

مشكور امير الليل



هذا من طيبك



تسلم ياااااااا اخوي



على المرور



دمت بخير