غركم مظهر جمال البرتقاله
ماعرفتم وش حسبها من نسبها
لوبها حشمه وتخضع للعداله
كان بين الناس ماهزت كعبها
نافياْ اصله من عمه وخاله
همها تلهي وترقص في طربها
الجهاله من يناظر هالجهاله
مايميز وش محرم من رجبها
واحسايف كيف يخدكم جماله
والبضاعه كل شراياْ قلبها
البنات الحور في نجد الاصاله
الحياء والستر من ربي وهبها
الفخر بالدين ماهو بالخماله
والنحاس نحاس يفرق عن ذهبها
شف بالي واحداْ مبغي بداله
عرضها مصيون مازولاْ سلبها
مامشت عريا وداجت بالبطاله
العقل والدين هو غاية طلبها
والله اني كلما شفت الرذاله
كن جوفي يصهره حامي لهبها
حالة حرنا بها ماهي بحاله
العقايب لا تجينا من سببها
النمل لا طار ينذر في زواله
كم دياراْ منعمه ربي نكبها
مثل جنة عاد يوم الريح جاله
صب ربي فوقهم حامي غضبها
العرب غنت على يالال لا له
والقدس تبكي وتنخي في عربها
صارت اسرائيل تقتل بالعماله
الشجاعه في العرب منهو شجبها
والعراق اليوم وضعه يرثى له
سلط الله بوش دمرها ونهبها
يالله احفظ دارنا مهد الرساله
من اموراْ تشعل النار بحطبها
ولكم مني التحيه
العرض العادي
