[align=center]ياأنت ياللي كل ماقلت لي (هيـه)
يرجع يرد القلب لبيه لبيه
&&&&&&&&&&&&&&&&&&&&&&&&&
ياأنت ياللي كل ماقلت لي (هيـه)
يرجـع يـرد القلـب لبيـه لبيـه
لبيه يارجفة عظامي من الشـوق
ولبيـه يـاأول حنينـي وتالـيـه
ولبيه ياخفقـة خفوقـي ليـا مـر
طيفك على عجلاً وانا قمت اناديـه
ولبيه ياصرخة ضلوعي من البـرد
(لاغبت عني والولـه مـد يديـه)
ولبيه ياسحراً غشانـي ولاعـدت
أبصر سواه من المخاليق وارجيـه
ولبيه يانبضاً مـع الـدم موجـود
يضخ في شريان صدري ويسقيـه
ولبيه ياعشقـاً شربتـه ولازلـت
أظما واجوع أن حل بالبال طاريـه
ياأنت ياقمـة شعـوري أذا جيـت
بعزف شعوري للقوافـي واغنيـه
وياأنت يابرستيج يـاذوق لاصـار
يمك شجي الحرف نـاوي تحديـه
ياانت ياكلّـي و كـل شـي منـي
(يالعمر كله من اوله لين تاليـه)
ياأكسوجينـي ياسجيـن المحانـي
بقلبٍ وجودك كنه الـروح يحييـه
ياحاجتـي يامطمعـي ياتفاصيـل
أحلام حلمي فـي حقيقـة تمنيـه
مادامني من حد ضلعـك تكونـت
مابيني وبينـك عتـاب ومشاريـه
ولابيننا قصـة كرامـه أو حـدود
وشعورنا واحد لو أحيـان نخفيـه
يااقرب من الدنيا وأهلها بلا شـك
آمر تدلـل والخطـا لـك بمشيـه
ماانت بمثل غيرك على شان ماقول
لبيه يااميري أذا قلـت لـي هيـه
قل ماتبي ياهيه ياهنوه وش عـاد
القلب قلبك وانت سيـده وراعيـه
تامر ولك سمعاً وطاعه على طول
ولاعاش من هو قال لك لا أو ليه[/align]