اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الاداري > استراحة الأعضـــاء

استراحة الأعضـــاء لبث هموم الأعضاء وبوحهم الشخصي

إضافة رد
 
أدوات الموضوع انواع عرض الموضوع
قديم 02-01-10, 12:46 AM   رقم المشاركة : 11
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

اقتباس:
المشاركة الأصلية كتبت بواسطة غزيل
   <ترى متغطيه لحد يستخدم العقال ههههه
بما ان هالمتصفح لشباب
فأعتذر عن دخول مملكتكم
الحقيقه انا احب دائما الاطلاع على مايخص الرجل يهمني حقا ًكيف يهتم الرجل بـ أناقته واختياره لكل مايناسبه يهمني ان اعرف خطوط الموضه التي توصل لها الرجل
فـ اهتمام الرجل بمظهره الخارجي يعكس مدى نضوجه واطلاعه
ونحن الفتيات دائما يعجبنا الرجل الانيق
والزوجه تحب ان يكون زوجها في غاية الاناقه
سواء خارج المنزل اوداخله
لدي سؤال للجميع
ماهي افضل الاشياء التي يحرص الرجل على اقتنائها مهما كانت قيمتها الماديه؟
السوال الثاني
لاتوجد محلات تهتم بالهدايا الرجاليه من اكسوارات واقلام وغيرها كاالهدايا الموجوده في قزاز وغيره من المولات في جده اوالشرقيه ؟(طبعا اتكلم عن الحفر)


ولي عوده بعد الاجابه << ناويه تنشب لكم


هلا فيك غزيّل

وحياك الله أنتي وكل عضوة في هذا المنتدى .

كثير من الشباب مع إن الله رازقه بالمادة إلا إنه ما تستهويه الموضه ، ماهو من باب البخل ، بالعكس ـ تحصلينه كل سنة في ديرة ومرفه عن نفسه ، لكن بالنسبة للموضه ماعنده إستعداد إن يكون متابع لها أو تكون عنده القدرة في التفريق بين الأصلي والتقليد . أعرف شباب بالحفر إذا جوّ للدمام سواء مع العائلة أو عنده دورة مثلا ً لازم يشوف محلات العطورات الموجودة في سوق الحُب . ومع إن هالأشخاص منعم الله عليهم ــ ماشاء الله تبارك الله ــ إلا إنهم ما عرفوا يفرقون بين الأصل والتقليد . أكثر العطورات الموجودة بسوق الحب مضروبه ، يتم إستيرادها من دبي وأصبح له إقبال شديد في السوق السعودي ، لدرجة إن كثير من محلات العطور المشهورة مثل " وجوه ـ قزاز ـ درعة ـ وغيرها " تأثرت من الشيء . المواطن كمستهلك بحاجة إلى توعية من قبل جمعيّة المستهلك . أنا لولا " النكبات " اللي صارت لي بالبداية ولا بصراحة ما فكرت أنبه أحد وأوجهه . لكن القهر اللي شفته بالبداية خلق عندي أمانة تتمثل في إني لازم ابين الجيد من الرديء لكل شخص أقابله . مره من المرات إشتريت " نعال " ــ تكرمون ــ من أحد المحلات . شهرين تقريبا ً طلعت المساوء ، مريت نفس المحل بعد أيام ، وشفت شاب سعودي معه أهله ، يمسك نفس الموديل اللي أخذته أنا ، ويحاول يكاسر البائع . مسيته بالخير وقلت له أنا جربتها و نصيحه مني لا تاخذها وأنت وبكيفك . وإلتفت للبائع وكان قريب وقلت له : لا تخاف ، رزقك بيجيك سواء من هذا أو من الف غيره ، لكن كان لازم عليّ إني ابين له بحكم إن ماعندنا جهة تضبط الفوضى اللي صايره بالسوق . وشكرني الشاب وطلع من المحل على طول . وهو على فكره محل مشهور .

قبل سنوات ما كانت شركات كبرى مثل بيير كاردين وجيفنشي ودينهل وديور مهتمة في السوق السعودي وما كان عندها الإستعداد إنها تغامر وتصنع الأزياء اللي يحرص السعوديين على إقتنائها . فجأة شفنا بيير كاردين تدخل مجال صناعة " الغتر والأشمغة " ، جيفنشي نفس الكلام . وأبدعت هالشركات وخلقت روح تنافس بينها وبين الشركات السعودية .

أنتي سألتي : ماهي أفضل الأشياء اللي يحب الرجل إقتنائها مهما كانت قيمتها المادية ؟ .

بالأحذية : فيه ماركات متخصصة وأثبتت وجودها وبقوة مثل روبروتو روسي ROBERTO ROSSI بالدرجة الأولى ، وميلانو MILANO والدو ELDO وباتا BATA . هذه بالنسبة للأحذية الرسميّة . الأحذية السبورت الغير رياضية عندك محلات كلاركس Clarks وعبدالغفور أمين . طبعا ً حنا نتكلم عن الماركات من غير المحلات . بالنسبة للمحلات فيه محل بالرياض على طريق العليا شرق برج المملكة إسمه قصر الأحذية ، هذا روعة . وهو من أفخم المحلات بالسعودية . بس حسب ما أذكر مافيه شيء أقل من الف ريال .

بالنسبة للإكسسوارات الرجالية مثل الكبكات والأقلام فيه محلات متخصصة بهالأمور مثل قزاز وبقشان وقزاز بالنسبة لي أفضل . الكبكات الموجودة في السوق أغلبها صيني وأسعارها من 20 ريال إلى 80 تقريبا ً وأفضل أنواع الكبكات الألماني أسعارها غالية شوية من 250 إلى ما دون الألفين . وانا بصراحة مثل ما ذكرت ما كنت مهتم بالموضة بشكل كبير ، أعرف أشياء بسيطة . لكن بعد المواقف اللي صارت لي تعلمت وزاد إهتمامي . . يعني بالنسبة للكبكات أذكر شريت واحد بـ 40 تقريبا ً وشكله حلو ويؤدي الغرض . فجأة وانا طالع من البيت طاح الكبك على البلاط وإنكسر ، إستغربت يعني لهالدرجة صناعتة رديئة وانا دافع فيه 40 ريال ؟ . من ذاك الموقف صرت أسأل عن الماركات في هالمجال .

الساعات مالي فيها بعد ما طلعت الجوالات .

شنط وحقائب السفر : فيه بيير كاردين pierre cardin وعندهم أشياء خيال وبأسعار غالية خاصة إذا كنت ناوي تأخذ مجموعة كاملة " غالبا ً تكون أربع حقائب " . لكن تقدر تاخذ شنطة او ثنتين بسعر من 500 إلى 800 ريال .

الأكوات الرسميّة هذه أحبها تكون تفصال مثل نفس قماش الثوب . فيه محل بالدمام إسمه ريموند raymond متخصصين في هالشيء ، عنده كاتالوجات تختار الموديل اللي تبي وإنسى الباقي . وأسعاره حلوه .

بالنسبة للأكوات السبورت اللي تختلف عن السبورت فيه محلات تجيب أشياء حليوه مثل زارا ZARA . رباعيات ( على فكرة لا تستغربين لو حصلتي فرعين نسائيين جنب بعض ، لأن كل فرع من رباعيات متخصص في ماركات ماهي موجودة عن الفرع الثاني ) . فيه محلات هي المفضلة بالنسبة لي إسمها ماسيمو ديوتي massimo duti عندهم أشياء تأخذ العقل .

النظارات الشمسيّة : وهذي مصيبة المصائب . تخيل تتمشى في أحد المجمعات المشهورة وتحصل بنص الممرات كشك صغير ما عليه إسم يبيع نظارات شمسيّة قيمة الوحدة توصل لميتين ريال !! . شيء يقهر بصراحة . لأن هالنظارات هي تقليد . فيه ماركات مشهورة مثل راي بان Ray Ban وبوليس Police وغيرها من الماركات المشهورة ما يحضرني إسمها هي المتخصصة في هالنوعية . صناعة إيطالية . ونصيحة أخوية للجميع قبل لا تشتري نظارة شمسيّة إسأل فيها بلورايز ولا لا . والبلورايز هذا يحمي العين من أشعة الشمس . وفيه طريقة قالها لي واحد عنده ذمة وضمير يبيع في محل نظارات يقول : إذا تبي تعرف هالنظارة فيها بلورايز ولا لا ، إلبسها وخلك بنفس الوقت ماسك آله حاسبة ، إذا شفت الشاشة اللي تتطلع فيها الأرقام فيها مجموعة من الألوان وكأنك ضاغط عليها بإصبعك ، إعرف إن فيها خاصيّة البلورايز . طبعا ً أسعار الأغلبيّة منهن من 350 إلى 800 نتكلم عن موديلات آخر سنتين تقريبا ً .

عاد نجي للعلة ، واقصد بالعلة هي السبحه " المسباح " . ياهو غاثني غثا . هو فيه مسابيح الوحدة منهن قيمتها الفين وثلاثة خاصة اللي تكون مصنوعة من أحجار كريمة مثل الكهرمان وياقوت ، أو تكون مرصعة بالألماس . هالنوعيات وما أدري فيه أحد يوافقني على هالشيء ولا لا ، عيبها حاجتين ، الأول : تشكيلاتها ماهي حلوة ، تجيك خرزه وحدة لونها اخضر والثانية أحمر ، كأنها حقت واحد مشعوذ . والثاني : ما تصلح إنك تسبّح فيها لأن ملمسها ماهو مثل ملمس الكريستال ، يعني اللي يشتريها بس يكون ماسكها من غير ما يسبّح فيها . وفيه نوعية الموجودة بالسوق من البلاستيك والكريستال العادي . وهذي حلوة ، البلاستيك أسعارها من خمس ريال إلى عشرين والكريستال ما تتعدى 100 ريال . لكن مشكلة الكريستال ، إن الخيط رديء ومع كثرة تحريك الخرز يبدأ بالخيط يتفتت لين تنفرط السبحة ، قبل كم شهر إنفرطت السبحه بأحد المجمعات ، والأرضيّة سيراميك عاد أنواع الفضايح .

هذا اللي عندي اليوم ، جيت للموضوع قلت يمكن أحد من الأخوان مجاوب على سؤالي ما حصلت إجابة ، قلت أجل أستخدم غترة العام لين الله يفرجها .



مشكورة غزيّل






التوقيع :
" وَعَجِلْتُ إِلَيْكَ رَبِّ لِتَرْضَى "

رد مع اقتباس
قديم 04-01-10, 02:58 AM   رقم المشاركة : 12
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

اقتباس:
المشاركة الأصلية كتبت بواسطة توت الصبا
   هههههههههههه
على قولة غزيل انا داخله اشوف ارائكم
بس بقولكم شي اخوتي الشباب
صرااحه فيه واحدمن اخواني يعتمد علي اعتمادكلي في مشترياته وخصوصا الجزم والكبكات والابواك
صراااحه مالقيت مثل ميلانو الايطالي
اشكال روووعه وتكرف ويااك وشماكانت غاليه ماتتخسرفيها
وفيه عبدالغفور امين برضو حلو للجزم فقط هذا
وعذرا على تطفلي

هلا فيك توت الصبا


بالنسبة للأبواك أكثر الموجود الهندية الصنع ، وتكون كويسة نوعا ً ما ، شكل وجودة . عكس الصينية اللي تكون أشكالها مش ولا بد " وجهة نظر " . فيه أبواك روعة كشكل عند دينهل وجيفنشي . لكن مشكلة الأبواك ، إذا أعجبك الشكل ما يعجبك الحجم . دائما ً ذات الأحجام الكبيرة تكون ماركات وأشكالها حلوة . عشان كذا أسعار الأبواك النسائية سعرها أغلى من الرجالية ونوعيتها أفضل .


حياك الله ومشكورة على هالمشاركة اللطيفه






رد مع اقتباس
قديم 04-01-10, 03:34 AM   رقم المشاركة : 13
امــــــ الليل ـــــير
مشرف سابق
الملف الشخصي






 
الحالة
امــــــ الليل ـــــير غير متواجد حالياً

 


 

رد: قراشيع الشباب واشياء أخرى

بالنسبه للملابس الرجاليه

الثياب اقوم بتفصيلها عند مشار او الفاخره

والملابس الداخليه الاصيل

والسروال الطويل لم اشتري جاهز منذ اكثر من 20 عاما

وماحبه الجاهز تقول مربط وانت تمشي

اقوم بتفصيله في محلات الخياطه بالمدينه المنوره


بالنسبه لشماغ على الموال القديم البسام وبس( لونه برتقالي ) امزح

اللون الاحمر

ودايم يطول معي الشماغ لاني البسه وقت العزايم والافراح والاعياد وصلاة الجمعه

والعطورات ادخل عند المحل واشمشم من العطورات لين ادوخ واضيع ثم اخذ عطر وامشي

لا ويعطيني قهوه اشمها على شان افرق بين انواع العطر على شان ماضيع من كثر ماشمشم


وسلامتكم

ومشكور اخوي جروح الذاكره







التوقيع :



لمراسلتي اضغطهنــــــا

رد مع اقتباس
قديم 04-01-10, 03:46 AM   رقم المشاركة : 14
أبوفيصل
قلم متميز
الملف الشخصي







 
الحالة
أبوفيصل غير متواجد حالياً

 


 

رد: قراشيع الشباب واشياء أخرى

بالنسبة لقماش "كاكولي" فهو منتشر بالحفر بكثرة , محل "الكويت" على الزاوية أمام مجمع العبدالكريم من الجهة الشرقية .







التوقيع :
حسابي بتويتر : saadalshehy@

قال رسول الله صلى الله عليه وسلم : (تعس عبد الدينار والدرهم والقطيفة والخميصة إن أعطي رضي وإن لم يعط لم يرض)

رد مع اقتباس
قديم 06-01-10, 01:10 AM   رقم المشاركة : 15
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

اقتباس:
المشاركة الأصلية كتبت بواسطة امــــــ الليل ـــــير
   بالنسبه للملابس الرجاليه

الثياب اقوم بتفصيلها عند مشار او الفاخره

والملابس الداخليه الاصيل

والسروال الطويل لم اشتري جاهز منذ اكثر من 20 عاما

وماحبه الجاهز تقول مربط وانت تمشي

اقوم بتفصيله في محلات الخياطه بالمدينه المنوره


بالنسبه لشماغ على الموال القديم البسام وبس( لونه برتقالي ) امزح

اللون الاحمر

ودايم يطول معي الشماغ لاني البسه وقت العزايم والافراح والاعياد وصلاة الجمعه

والعطورات ادخل عند المحل واشمشم من العطورات لين ادوخ واضيع ثم اخذ عطر وامشي

لا ويعطيني قهوه اشمها على شان افرق بين انواع العطر على شان ماضيع من كثر ماشمشم


وسلامتكم

ومشكور اخوي جروح الذاكره

يا زين هالخشه يا ناس .


أمير بسألك عن مشار : فروعه بس بالرياض ؟ . أدمنت عليه أيام الجامعة لكن بعد ما طسيت للدمام طحت في بلان . وسمعت قبل فترة إن فيه خياط على طريق الملك فهد بعد برج الفيصلية وأنت متجه جنوب إسمه الرحاب ، أكثر من واحد مدحه لي . بالنسبة لمشار الأقمشة حلوة ونادر تتلف ولا تتغير مع الغسيل . خياط الفاخرة أول ما فتح بالحفر فصلت عنده وما عجبني وشلته من راسي .

بس بالنسبة للملابس الداخلية أسمع إن بمكة والمدينة يفصلوها ، لكن ما جربت . و على طاري الأصيل ، حنا ناخذ الفانيلة تقريبا ً بـ 8 ريال ، واحد أعرفه يطلع للبطحاء بالرياض ويأخذ له ولعياله عشرة درازن . وتطلع له الوحدة منهم بأربعة ريالات تقريبا ً . بس تصدق شريت من مصر ملابس داخلية إسمها cotton neil صح إنها مثل سعرها هنا لكن إنتاج متعوب عليه . وما أدري فيه وكلاء لهم بالسعودية أو لا .

الأشمغة فيه عندك شماغ " ماي فير Mayfair وشماغ " فالنتينو " .


مشكور يا أمير






رد مع اقتباس
قديم 06-01-10, 01:16 AM   رقم المشاركة : 16
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

اقتباس:
المشاركة الأصلية كتبت بواسطة أبوفيصل
   بالنسبة لقماش "كاكولي" فهو منتشر بالحفر بكثرة , محل "الكويت" على الزاوية أمام مجمع العبدالكريم من الجهة الشرقية .

هلا فيك ابو فيصل

أذكر أول ما كتبت هالموضوع كنت ناوي أخذ إجازة وأقضيها بالحفر ، عشان كذا قلت بحط العصابة قبل لا تجيني الفلقه . كنت خايف من البرد ، لكن بالأخير أجلنا الإجازة لثلاث شهور قدام . كاكاولي ما جربتهم لكن أشوفها على شباب سواء بالحفر أو الكويت ، أشكالها حلوة لكن ما أدري عن الجودة .


شكرا ً لك






رد مع اقتباس
قديم 06-01-10, 01:35 AM   رقم المشاركة : 17
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

فيه حاجة أساسية يهتم فيها كل واحد ولازم تكون موجودة إذا جونا ضيوف خاصين . أقصد " البخور " . قبل كم إسبوع طلعت للعربية بشوف وش عندهم ما عجبني شيء ونفس الكلام للشرهان ولعبدالصمد . تجي البائع يعطيك أربعة أنواع في الغالب تكون موجودة أمامه . وتسأله عن سعر التولة يقول لك 300 وعليه تخفيظات 50% . تقول له عطني الزين يقوم يعطيك نوعية عادية حسب ما اشوف . وين النوعية اللي كان ماسكها الأمير الوليد بن طلال يوم صجيتونا وقتها في إن إن الوليد أكبر عميل لكم . معقولة تعطوني نفس لنوعية اللي تعطونها ابو خالد . ما أنكر إن فيه فئة من الناس عندهم خبرة في البخور " وأنواعه ، ويعرفون يفرقون بين الأصلي وبين التقليد " المصبوغ " .

إذا في أحد عنده خبرة جيده في تجارة " البخور والعود " ياليت يفيدنا أكثر







رد مع اقتباس
قديم 23-09-10, 02:32 PM   رقم المشاركة : 18
طافي الكهرب
عضو جديد
الملف الشخصي






 
الحالة
طافي الكهرب غير متواجد حالياً

 


 

رد: قراشيع الشباب واشياء أخرى

البخور الاصلي ماهو موجود في السعوديه


وبعدين تحصله غالي







رد مع اقتباس
قديم 18-02-11, 02:52 AM   رقم المشاركة : 19
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

اقتباس:
المشاركة الأصلية كتبت بواسطة طافي الكهرب
   البخور الاصلي ماهو موجود في السعوديه


وبعدين تحصله غالي


مرحبا يا طافي

طيب العربية للعود يقولون الأمير الوليد بن طلال أكبر " عميل " عندنا ، يعني الوليد يشتري التولة اللي سعرها 75 ريال ، مثله مثلنا ؟ .

نحتاج خُبراء في هذا الجانب . يفيدونا






رد مع اقتباس
قديم 18-02-11, 03:02 AM   رقم المشاركة : 20
جروح الذاكرة
كاتب
الملف الشخصي







 
الحالة
جروح الذاكرة غير متواجد حالياً

 


 

رد: قراشيع الشباب واشياء أخرى

السروال الطويل صار بـ 18 ريال يا عالم


شركة عجلان وأخوانه ، محتكرة تقريبا ً أكثر أنواع الملابس اللي نشوفها بالسوق . الأشمغة والغتر والملابس الداخلية .

وفيه منها ماهو ماركة وفيه منها اللي ماتحطه حتى شماله للناقة .


قبل كذا إسبوع تفاجأت بأرتفاع أسعار الملابس الداخلية ، صارت الفانيلة بـ 13 ريال ، وصار السروال الطويل بـ 18 ، ماركة دروش والأصيل . وبيجاميه الأرخص سعرها يقارب 13 ريال . في السابق وقبل عشر سنوات تقريبا ً كان سعر الشماغ ما يتعدى 90 ريال ، والغترة الأصليّة بحدود 80 ريال . الآن وفي رمضان الماضي حصلت شماغ سعره 500 ريال ، والغتر صارت بحدود 160 ريال . الحكير هدفه من رفع الأسعار هو حتى يجبر المستهلك على أخذ الماركات الأقل تكلفة بالنسبة له بأسعار فيها ربح . يعني بيجاميه جودتها أقل من جودة الأصيل ودروش ، وحتى يجبر الناس على شراءها قام برفع سعر الأصيل ودروش " فئة السروال الطويل " من 13 الى 18 ريال !! . صار فيه زيادة بالدرزن بمقدار 60 ريال !!

طيب بعد خمس سنوات هل بيكون السعر مثل ماهو عليه ؟ .

أشك في ذلك ، بسبب حماية المستهلك اللي صايره مثل بيض الصعو ، نسمع فيه ولا عمرنا شفناه .







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:37 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم