[align=center]السلام عليكم ورحمة الله وبركاته
اليوم حابة أكتب لكم طريقتي في طبخ ورق العنب
وطريقتي ولله الحمد طعمها لذيذ بشهادة الجميع
لكنها دسمة شوي
نبدأ بالحشوة
في البداية أحمس شوي شحم على النار >>لا تقولون ريجيم شوي مايضر
وأحسن حاجة شحم البطن إذا جتك الذبيحة أفرمي شحم البطن الناعم وثلجيه يجنن للمحاشي
[align=center][/align]وأضيفي عليه البصل المفروم
وبعدها طماط علب مخلوط بالخلاط + صلصة + كركم + فلفل أسود + ملح + مكعب ماجي
[align=center][/align]وبعد ما يتسبك شوي نضيف الرز المصري المنقوع ثلث ساعة (كاسين تقريبا لكل علبة ورق عنب )
ونحرك شوي ونضيف حزمة كزبرة مفرومة وعصير ليمونة كبيرة ودقيقة تقريبا ونرفعها عن النار
وبكذا الحشوة جاهزة
[align=center][/align]أنا أفضل الورق الطازج المفرزن لكن المعلب حلو بعد
نلف ورق العنب ونرص في قدر بحيث الطبقة السفلية تكون حلقات بطاطس
[align=center][/align]نغطي القدر بالفخارة
[align=center][/align]
[align=center][/align]نكون مجهزين مرق دجاج ( إذا سلقتي دجاج للفطاير مثلا خوذي مرق الدجاج وفرزنيه واستخدميه للمحاشي )
ونضيف على مرق الدجاج شوي صلصة ونطبخ فيه الورق
وقبل النضج أضيف للورق نصف كوب عصير ليمون ونصف كوب زيت زيتون
وأتركه ربع ساعة تقريبا ووووووخلاص
أمس طبخت ورق عنب وصورت لكم نصف الطبخة ونسيت أكمل التصوير
ما تذكرت إلا بعد ما أكلنا المحشي
المرة الجاية بصورلكم باقي الطبخة [/align]
[align=center]احساس دمعة
هجير
ألف شكر على الردود الرائعة مثل روعة مروركم بموضوعي
عالم عجيب
مشكورة على المرور أختي
والفخارة كنت أوصي عليها من الاردن
لكنها الحين موجودة عند محلات البضائع السورية بشارع الستين بحي الربوة
لينو الغالية
أخ لو كنت قريبة عندي كان أرسلتلك القدر (الطنجرة على قولتكم) كله مو صحن صغير
كلك ذوق يالينو
العروبة
الله يعافيك يالغلا
ردك أسعدني
عيون الريم
جوري
أشكركم حبيباتي على الرد
كلكم ذوق
إن شاء الله أكون أفدتكم بشي
والفخارة يا جوري من محلات البضائع السورية وهي ضرورية لورق العنب والملفوف بعد
وسعرها رخيص ما يتعدى العشرين ريال
تحياتي للجميع [/align]
[align=center][/align]