--((ليه المطرمن ربنا مايجينا ))--

[هجير]

ليه المطـر مـن ربنـا مايجينـا
طالع على الصوره تشوف الأجابه
ياناكر النعمه لـو إنـك سمينـا
مالك وداعـه لاتباعـد ذهابـه
يارب إرحم حالة النقـص فينـا
يامودع ٍ مكـه وطيبـه رحابـه
ياكيف منظر من يشوفه حزينـا
كل ٍ تمنـى عـن بلدنـا غيابـه
كم من مبرّه لـو بغينـا تجينـا
تاتي فقيـر القـوم لحـد بابـه
وكم من فقير ٍ في همومه سجينـا
يتعب مدام القـل شقّـق ثيابـه
وكم من أرامل أنهكتها السنينـا
وام البنات العوز أقشـر عثآبـه
ياناس خوفو واحـد ٍ مانسينـا
حفظ النعم راعيه ينعـم جنآبـه
وصيانة النعمه توّجـب علينـا
ناس ٍ ترّتـب مابقـى للغلابـه
حنا على الإسراف قـوم ٍ بلينـا
جيل ٍ ودرب الجوع لامامشآبـه

[سليم الشرعان]

ليه المطـر مـن ربنـا مايجينـا
طالع على الصوره تشوف الأجابه

فعلا الصوره هي الاجابه

الله يرحمنا برحمته ولا يؤاذنا بمافعل السفهاء منا

[فراج العضيله]

صدقت ِوالله ياهجير

شكرا للقصيده

[أبوفيصل]

حين حنا ما رحنا فيها إلا يوم طلعت الظاهر السيئة لمزاين الإبل من رمي للأكل وجحد للنعمه وخالق هذه النعمة , طبعاً ليست فقط مزاين أم رقيبة بل كل مزاين من الشمال إلى الجنوب ومن الشرق إلى الغرب .

قصيدة معبرة وهذا جزاء كل إنسان يرمي نعمة الله بالأرض ولا يحفظها .

تذكرت قصة سولفها لي واحد , يقول خوين له بمطعم على خط سريع , وطلب نص حبة (نصف دجاجة ) يوم كلا وخلص من الأكل تبقى شيء كثير من نصف الدجاجه , طلب من الهندي ورقة أو كيس وخذا الباقي من الدجاج معه , وهو طالع من المطعم لقى مجموعة قطط =بساسة حول المطعم ورمى لهن الباقي من الدجاج وكلنه .

يعني يجب على الإنسان أن يفكر في صرف النعمة على الوجه المطلوب .

[مغترب الشمال]

الله يرزقنا المطر والخير

[هجير]

شاااكره لكم اخواني على مروركم
وان شاء الله يرزقنا بالمطر