هذة اول مشاركـــــة لي وهي قصيـدة للمبـــدع حامـــد الزيـــد نقلتهـــا هنااا لكم....و.اتمنى ان تنال اعجابكم كما سيطرت على احساسي ومشاعري...7 7 7 [align=center][frame="7 80"]هذا الخطا اللي ماتوقعت يخطيه . . شف كيف كشر طيب القلب نابه أثر الحسد لاعشعش بصدر راعيه . . يجعل من قلوب الحبايب ذيابه اللي تعلم من سكوتي تماديه . . علمني استقبل خطاه برحابه والواجب انه لو جحد فزعتي فيه . . مايجحد حقوق النسب والقرابه وانا اللي يوم ان المصايب تبكيه . . كنت اقرب إله بضيقته من ثيابه اللي تعاف اوله ينعاف تاليه . . وانا كفا صدري من الغيظ مابه من لا وقف لي وقفة رجال مابيه . . يغني عن حضور المقفي غيابه من لافزع بالكايده مع بني خيه . . وقت الرخا مايحسب حساب لابه علمت غيري كيف لاصد ماجيه . . وانا تعلمت الصبر والصلابه لان الشجاع ان مالقى من يواسيه . . ان مانشدته ماعلمت بمصابه مادام بعدي عن رفيقي بيرضيه . . نذر علي اني فلا طق بابه عيب التفت في جاه مخلوق وادعيه . . وللمبتلي ساعة دعا مستجابه الضعف ماطيقه ولا طيق طاريه . . والدمع لايرقى ولا ينرقابه والحلم يغنيني عن الكبر والتيه . . والظلم محصيني كآبه كآبه ان ماجمعت وجيه مافرق وجيه . . ومن لابنيته ماسعيت بخرابه وانا لو اني بالتفت بالتفت ليه ! . . الرمح غاالي والفريسه ذبابه بدري علي احسب لها حساب واوجيه . . وبدري عليه يشيلني من حسابه كأني عتقته بعتقه رأفت فيه . . الا الطلابه ماخشيت الطلابه مهب على شانه ! عشان المشاريه . . سامحت طيشه وابتليت بعذابه اليا كسر في خاطرك شخص تغليه . . حتى المعاتب تستحي من عتابه اللي سكن صدري من الغيض يكفيه . . ملت تفاصيلي سكوت ورتابه اللي بيدخل في مزاجي بسويه . . وباخطب الفض الفليض بخطابه مثل الغلا اللي باخذه منه بعطيه . . ويسمع جوابي مثل ماسمع جوابه دام احترامي للقرابه مجريه . . ياشيخ ملعون امها من قرابه لو كل شخص بيحتقر في باخاويه ؟ . . ماكون حزت من المراجل مهابه ياهيه مثلي مايقولون له هيه . . مدري متى تتعلمون الذرابه اللي معلمك الكتابه على ايديه . . لمحة بصر ويبعثرك من كتابه ومثلي لا من قلت لك قول بوفيه . . والقرم لا من وكد العلم جابه سمه تحدي سمه اللي تسميه . . بس الوكاد انه مهوب استجابه اللي مهب قد المواجه يخليه . . ومن لاقدرت تهيبه منك هابه الله يعز وجيه ويطمن وجيه . . وحنا بشر لكن بشر وسط غابه ومن لافزع بالكايده مع بني خيه . . وقت الرخا مايحسب حساب لابه. .[/frame][/align] لكم مودتي وحبي.. اختكم... الكايدة
قصيدة جزله ورائعه أختي الكايدة صح لسان الشاعر ويسلم بنانك ويعطيك العافيه على هذا الاختيار تقبلي تقديري وشكري
هلا وغلا بمرورك يالغالية ...نورة 14 وصح قلبك يالغلا.... واشكرك على هذا المرور السريع اللي احبه منك..
الكايــــــــــــــــــــــــدهـ.... صح لسانج وعلا شانج,,,!! حامد زيد مو غريبه عليه التميز....والاميز هو نقلج له,,!! ان شاءالله من تميز لتميز...!! عساج ع القووووووه,, لكي ودي وردي.. جودي الهلاليه..!
حبيبتي جودي الهلالية... فديت طلتك..وحضورك..واشكرك على لطفك والاهم ان نقلي نال استحسانك.. دمتي بخير