اماكن ظهور الفقع

[أنثى الشتاء]

والله اليوم رحنه البر عند الحدود من الجنوب والبرد والغبار عمانه وما لقينا الا فقعتين

وقبل يومين رحنه حدود العراق ولا حصلنه شي

يعني مو متوفر بكثره
يبي صبر ودوره وتعب

واهم شي يكون متوفر البندول
عشان صكة الراس

[تركي الوايلي]

اقتباس: المشاركة الأصلية كتبت بواسطة مجرد قناعه    يااااخوان / اليوم من الغبشه وحنا بالبر عند الفاو ماخلينا مكان والله داخت روسنا وتبهدلنا مع الهواء البارد والاتربه ولا حصلنا شي ,,,,,, بس ترى مادخلنا الشبك معنا عوايل تمنينا نشوف وحده نوريها للعيال بس ماحالفنا الحظ تكفى ياااانااااجي ولايهون الوايلي وباقي الاعضاء عطونا وصف دقيق لواحد عليمي مايدل العجوز بهدلتنا كل يوم نطامر بها بجهه بس مالقينا ولاشي وشكرا لصاحب الموضوع

هلابك اخوي مجرد قناعه ولاتهون ياغالي وابشر بالفزعه دام انه للعجوز فهي تستاهل كل خير

شوف طال عمرك الفقع ولله الحمد متوفر بكل مكان بضواحي حفر الباطن ولكن البحث والتعب لابد منه

عندك الفاو الشمالي داخل شبك الامير مشعل يوجد به فقع كثير
ايضا شبك الامير سلطان بالقرب من مدينة الملك خالد العسكريه يوجد به فقع زبيدي وكبير وبكثره ولكن يوجد به دوريات كثيره ويصعب الدخول اليه

ايضا شمال حفر الباطن من جهة شمال الصفيري نواحي الحدود العراقيه بمركز الظهره والعليمه تم وجود فقع هناك

ايضا طريق حفر الباطن الرقعي وقبل اسكان الرقعي انزل يسار الطريق وامش حول عشره كيلو وتحصل فقع واذا بغيت الفقع الكبير والكثير داخل العقم يعني تواصل بالطريق الين يجيك العقم الحدودي

ايضا بالحماطيات وبالقرب من خط البيب يوجد فقع هناك

واتمنى لكم رحله سعيده وشكرا

[تركي الوايلي]

ملاحظه مهمه للاعضاء دلائل الفقع هي وجود نبات الجريد والرقروق بالارض

بعض الاماكن تجدها ربيع طيب ولكن لايوجد به فقع

وايضا بعض الاماكن يوجد بها جريد كثير وكبير ولكن لايوجد فقع لازم تعب وبحث دقيق حتى تحصل

وشكرا

[تركي الوايلي]

وانا ان شاء الله بروح بكره الصباح للفاو الشمالي وايضا بروح للحدود من جهة الرقعي وشكرا

[مشاري الخالدي]

اخوي تركي اكدلك شبك الامير سلطان
ومركز حدود الدليمية وسماح%

[اسرار الليل]

تسلم حفراااوي

[ام راكان2009]

يسلمووووووووووووووووو

[الشمريf16]

انا طلعت يوم الخميس ووفقني الله وجبت خير من الله
الموقع:
بعد ما تعدا خساره وجهك للرقعي يجيك ثلاث ابراج ( حديدات بعض ) مسافه عن خساره من عندهن اطلع يمين بعد حوالي 18 كيلو ابحث
للعلم تطوف البيب

وانا طحت بكم مواقع ( مسمار ) ووفقني الله

دمتم بود

[نوف65]

قصدك شبك مشعل
هو فيه بس مو كثير

[اقشر مقيشر]

والله كلك حلا اخوك شفقان للبر ومااخذ اجازه لابغيت تروح لاتنسا خيك واتعب على خوتك وخوة الرجال الحبيبين شرواك اذا طلعت للبر وسلمت ودمت