للبيع كاميرا ( Fujifilm HS10 ) بملحقاتها ( بالصور )

[دهران]

أيها الإخوة والاخوات الاعزاء .....








عندي سلمكم الله هالكاميرا ودي أبيعها بملحقاتها
سبب البيع ( ما جازت لي من يوم شريتها - الصدق زين )
لكن تراها بتصلح لكم إن شاء الله
بالنسبة لي ما حبيتها أبد من أول نظرة ( والمحبة من الله )
شريتها يوم طلعت ب 1999 ريال وهالحين قيمتها جديدة من 1500 إلى 1600 على ما اعتقد
شريت لها فلاش خارجي ب 150 ريال
و8 بطاريات قابلة للشحن مع الشاحن ( باناسونيك ) بحوالي 150 ريال
وشنطة بحوالي 100 ريال

يعني المجموع حوالي 2400 ريال

ويشهد الله إن الكاميرا أخت الجديدة واللي يشتريها ويلقى فيها عيب أو شي أو يقول ماهيب جديدة وإلا مكروفة مستعد أرجع له فلوسه ويخلي الكاميرا عنده بعد



كل ماهو موجود في الصور مع البيعة
الكاميرا ( بدون ذاكرة ) + عدد 8 بطاريات إعادة شحن + شاحن + فلاش خارجي + الشنطة + أسلاك التوصيل


وللعلم نزلت موضوعين في موقع مكشات بتصوير هالكاميرا


تصوير كبيسة حاشي بالكاميرا الجديدة ( Fujifilm HS10 ) عطونا رأيكم


قمر 15 بحفر الباطن - محاولة بال Fujifilm Finepix HS10


أنا في حفر الباطن ومستعد اوصلها لو لجزر الواق واق وعلى حسابي بعد ( بالله وين تلقون مثلي ؟ )
وترى ما أبي بدل أبي أبيع كاش فقط والسوم في الموضوع وليس على الخاص


نبدأ على بركة الله السومة تبدأ من ريال

( ليس عيباً أن نبدأ بسومة مثل هذي لكن العيب إنه يجي واحد بعد ما تسام بألف مثلاً ويقول أسوم ب 500 )


































وترى الكاميرا من اليوم في هالشنطة ولا عاد أحد بيفكها الا اللي بيشتريها



أخوكم أبو فارس

[كساب الطيب]

.
.
وعليكم السلام ورحمة الله وبركاته
يامرحبا فيك يابوفارس
بنسبه لذاكره بكم قيمتها:)
ونقول فتح الباب عندي 450
والسموحه .
والله يوفقك أن شاء الله وتجيب الي أتمناااهـ

[دهران]

اقتباس: المشاركة الأصلية كتبت بواسطة كساب الطيب    . . وعليكم السلام ورحمة الله وبركاته يامرحبا فيك يابوفارس بنسبه لذاكره بكم قيمتها:) ونقول فتح الباب عندي 450 والسموحه . والله يوفقك أن شاء الله وتجيب الي أتمناااهـ

هلا وغلا كساب الطيب

وبالنسبة للذاكرة قيمتها من 20 ريال إلى فوق 200 ريال حسب حجمها ونوعها ولكن الزينة اللي تصلح لها بحوالي 50 ريال

وسومتك طيبة ووجهك أطيب

ونبي الزود من الاخوان

[بحّة الشوق]

وعليكم السلام ورحمة الله وبركاته

انا اسوم بـ550

وإذا ماجازت لك السومه ياليت تعلمني كم حدك فيها ؟

[النجم القطبي]

600 ريال والله يكتب اللي فيه خير ..

[احمد العنزي]

اسوووم بالف ريال

جااااااااااااااد

[السهم]

ماشاء الله تبارك الله

ممكن مواصفاتها اخوي دهران

كم الزوم ، كم حجم الشاشة ، هل فيها تصوير فيديو ، هل فيها مانع اهتزاز ........ الخ من المواصفات

تنمياتي لك بالتوفيق وان تجيب لك السعر اللي يرضيك

[فراج العضيله]

السهم

مميزاتها هي كالتالي

* 10 ميجا بيكسل

* تصور بصيغة الJPG والRAW والاثنين معا

* زوم مجنون 30X ... يعادل 24-720مم .. مع تحكم يدوي به

* تصوير بانوراما

* تصوير متتابع بسرعة 10فريم بالثانيه وهذا رقم روعه

* تصوير فيديو Full HD 30 ب30فريم وهذا رقم حلو مع صوت ستيريو

* مخرج HDMI

[فراج العضيله]

بس بضيف معلومه لسالفة أخونا دهران لما قال ما عجبتني

فيه ناس كثيره سبحان الله منهم أنا نشتري أشياء غاليه بس المشكله بشكل الشي اللي إشتريناه ما يعجبنا

القضية قضية شكل خارجي وليس في الكاميرا مشكله وهذا حسب الإرتياح لأي شخص يمتلك شي ثمين مثل الكاميرات

الله يوفقك عزيزي دهراااااااااااان ببيعه طيبه

[ابوبيان]

700