مستشفى الملك خالد

[لوووفي]

السلام عليكم والله اني مضيوم مادري وش السواه اخوي الصغير عمره 13 سنه
يعاني الما في البطن قبل اسبوعين وذهبنا به الى الاسعاف وقالو لازم يراجع المسالك البولية
حددو لنا موعد 1/11 اليوم وتوني جاي من عندهم وللاسف قالو لنا الدكتور موب موجود وعطونا موعد 20/11
طيب الناس هاذي كلها واقفة امورها على شخص معين مافي اطباء غيره قسم كامل مافيه احد
كلمت المدير وشرحت له الموضوع ان الولد ماقد راح للمدرسه والالم يتمد ويوصل لظهره ومايقدر ينام
معقوله 20 يوم ننتظر يعني الحين انا وش اسوي قبله الوالده طفشو اهلنا من المواعيد عشان عملية ماء العين
وعملناها بنور خان وكلفت مبلغ وقدرة واليوم لا انا داومت ولا اخوي عشان موعد ماستفدنا شي منه
المصيبه حتى الولد ماحنى عارفين سبب الالم دكتور يقول حصو والثاني يقول مراره

[ح ـفراوي]

الله يعينك ويشفي اخوك
ان شاء الله تنحل مشكلتك
ويوصل صوتك ..

..

[هاوك]

اترك عنك مواعيد العيادات ورح لمروم الطبي او نور خان

[العين بحر]

الله يشفي مريضكم ..



انا اقترح يغيرون الطاقم كله لان الكل صار يشتكي من التشخيصات

الخاطئه والمعامله السيئه بهذا المستشفى

حنا كان عندنا مريض منوم فيه والله ان الممرضين على القهوه والشاي واذا طلبتهم جوو ينافخون

وكأنك مسوي شي غلط وعلى طول رحنا للقاعده ومن القاعده للرياض والكل لامنا على التاخير في العلاج مادروا انا جايين من مكان يقال انه مستشفى

لاتهملون الولد ولاتتكلون على هذا المستشفى طيعني الله يشفي مريضكم يارب

[كبريا اصايل]

الله يعينك ويشفي اخوك طيب قدموا شكوى عند وزارة الصحه
عندكم كونوا مجموعه وروحوا لمهم قدام يحصل شي لا تحمد عقباه

[الراسي 999]

الله يشفي مريضك ويعينك على مااصابك

[برق نجد]

اقتباس: المشاركة الأصلية كتبت بواسطة هاوك    اترك عنك مواعيد العيادات ورح لمروم الطبي او نور خان

ياليت يلاقي سنع الظاهر سالفة اللي يقول هجيت من القوم ودرعت بالسريه من المستشفى لمروم

[توت و كرز]

اقول ورب البيت يا هالمستشفى كثرة اخطائه واهماله تدرون وش حلهم ... انشروا معاناتكم بصحيفة سبق والله يومين بالكثير يتحركون المسؤولين
جرررربوا وتشوفوا

[خور غنيم]

انا ماراح اتكلم على المستشفى
لان اخاف اطلع من الموضوع
اخوي قبل مده جاء الم بالبطن ومرات يمتد لظهر
ودنا لمستشفى الحرس شخصو الحاله
قالو اربع حصوات موجوده عنده
حطو عمليته بعد اسبوعين بس مع الواسطه
بيومين سوه عمليه
ولله الحمد والشكر الحين بصحه وعافيه
وانت حولو تكلمون اداره المستشفى
وعلى راسهم خضر
والناس بالناس والكل بالله

[د/عبدالله المحيميد]

اقتباس: المشاركة الأصلية كتبت بواسطة لوووفي    السلام عليكم والله اني مضيوم مادري وش السواه اخوي الصغير عمره 13 سنه يعاني الما في البطن قبل اسبوعين وذهبنا به الى الاسعاف وقالو لازم يراجع المسالك البولية حددو لنا موعد 1/11 اليوم وتوني جاي من عندهم وللاسف قالو لنا الدكتور موب موجود وعطونا موعد 20/11 طيب الناس هاذي كلها واقفة امورها على شخص معين مافي اطباء غيره قسم كامل مافيه احد كلمت المدير وشرحت له الموضوع ان الولد ماقد راح للمدرسه والالم يتمد ويوصل لظهره ومايقدر ينام معقوله 20 يوم ننتظر يعني الحين انا وش اسوي قبله الوالده طفشو اهلنا من المواعيد عشان عملية ماء العين وعملناها بنور خان وكلفت مبلغ وقدرة واليوم لا انا داومت ولا اخوي عشان موعد ماستفدنا شي منه المصيبه حتى الولد ماحنى عارفين سبب الالم دكتور يقول حصو والثاني يقول مراره

الله يشفي اخوك أريد أن أبين جزء غير واضح في معاناتك أنا فهمت من كلامك أنه لايوجد إلا طبيب مسالك واحد وهذا غير صحيح يوجد بالمستشفى اثنين استشاريين و أربع أخصائيين (حاليا استشاري و أخصائي يتمتعون بإجازة ) تعال لمكتبي يوم الأثنين ظهرا و أنا ان شاء الله اساعدك