[align=center][align=center]قصيده ترحيبيه
تشرفت بألقائها امام الحفل وامام
الشيخ شاهر بن جزى الصعيري
في حفلة زواجه والله يباركله
ولي الشرف ان اطرحها هنا في هذا الصرح الشامخ
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ألاولى بسم الله الرحمن والدنيا زوال
والثانيه صلوا على محمد شفيع المسلمين
والثالثه عن ربعي المطران بهرة الدلال
اهل الفخر واهل الكرم واهل الشرف دنيا ودين
والرابعه عن راعي الحفله نجيبك يالجزال
والفكر ناردبه على جم الجزيله والثمين
يامرحبا ترحيبة ٍ تنصا الرجل من الرجال
من لابة ٍ تكره يسار الدرب وتحب اليمين
أعداد ماذعذع هبوب الخير من نو الشمال
وأعداد حجاج الولي وأعداد مايسجد جبين
ترحيبة ٍ فنجالها يطرب كريمين السبال
من دلة ٍ لاذاقها الضرمان نوخ ليليتين
في حفلة اللي هيبته مابين عم وبين خال
لاوالله ألا بين ناس بالفخر متوارثين
ابن جزى شاهر تعلى بالكرم في كل حال
واكبر دليل انه تعلى اسمعوا يالحاضرين
هذا لفانا من جنوب وذاك جانا من شمال
وذاك من شرقه يبين وذاك من غربه يبين
كله لاجل من ذاع صيته والكرامه راس مال
والبيت من طيبه يجونه هالنشاما طارشين
حييت يامجد ٍ غدالك هالرجل مضرب مثال
حييت ياعز ٍ يسولف عن فعول الغايبين
لايازمن وان صرت بحر اعرف ترى حنا جبال
عن ميلة عفون الشوارب ثابتين وشامخين
يعني كذا بالحالتين العز فينا لايزال
كنا ولازلنا نحوز المجد والله المعين
الله يبارك لرجل ابن الرجل نسل الرجال
ابن جزى نسل القروم اهل فخر دنيا ودين
والاولى بسم الله الرحمن والدنيا زوال
وختامها صلوا على محمد شفيع المسلمين[/poem] [/align][/align]
العرض العادي
