.. يا نسمة الوادي* يا وردة في بلادي
حايل ربى الشادي* يا نرجس وكادي
حيوا جبل شمر* الزهر فيه انضر
ما اجمل المنظر* يا مرجنا الاخضر
من عدستي في حائل
قيل في حائل "الكرم" :
مثل الذهب مهما علا فوقه غبـار=يبقى طوال الوقـت سلعـه ثمينـه
مثل المطر مهما المطر سال مدرار=لو غاب عام صاحوا الناس وينـه
ومثل البحر غلطان من قال غـدار=موجه تساوى لكل طيـر وسفينـه
ومثل اشتياق الأم أنا أشتاق للـدار=شوق العمى للشوف بصبي عينـه
دار سكن فيها السناعيـس تنـزار=غصباً على اللي جاحداً في حنينـه
دار الشرف والجود داراً للاخيـار=مشاعري وإن جيت أعبـر دفينـه
للضيف فيها قدر وحقـوق للجـار=محداً ينام ونفـس جـاره حزينـه
طبايع لأهل الجبل كبار وصغـار=نفطـم عليهـا كلنـا خابريـنـه
أقولها ومهما الزمن جـار أو دار=حايل مـع الأيـام يـزداد زينـه
ويقول عثمان المجراد في "حائل الوفاء":
أغترب واشقى وتكثر حيرتي..
واعترف ما القى مثيل لديرتي..
يا قريبة في خيال الي بعيد..
يا حبيبة والوله يمك يزيد...
آه ...يا برزان ... يا "لبده" و"سماح"
مشتاق يا "عفنان" للوقت الي راح..
وش تبين أقول يا ملح الشمال..
هو انا معقول اوصف هالجمال...!!