السلام عليكم ورحمة الله وبركاته وبعد
اليكم هذه المشاركه وهي احد قصائدي الغزليه متنيآ ان
تنال على اعجابكم
[rams]http://www.q22q.com/up/files/01.rm[/rams]
[align=center]]الكيكه اللي على خط البحـر ياحمـود
يابخت منهـو ابكفـه صافـح ايمينهـا
،
كيكه وفي كفهـا كيكـه عليهـا ورود
ومزخرفه بالكـرز والتـوت تلوينهـا
،
فيها الدلع والحلا والورد بين الخـدود
ومبسم كما خاتمٍٍ في خنصـر ايدينهـا
،
صادفتها واضحكتلي والخلايق اقعـود
عذرآ جميع البنات اتغـار مـن زينهـا
،
صدفه جميله تكفي عن كثيـر الوعـود
والصدفه اللي تجيب التـرف يازينهـا
،
قالت لي انته عضو في منتديات الورود
وتشر بيدهـا علـيء وتغمـز ابعينهـا
،
قالت لي اسمك فلاح وقلت عفوآ سعود
ومن ديرتن ماهقيـت انـك تعرفينهـا
،
ثم قلت انا طالبك والكبـد فيهـا اللهود
لي غايـةٍٍ فـي ضميـري لاتردينهـا
،
قالت تفضل تكلـم ياعريـب الجـدود
وان قد (ار) الله ترا حاجتك قاضينهـا
،
قلت ابا اقبْل خدودك ياغـزال النفـود
قبْله عسـى كبـدي اتطفـي براكينهـا
،
يالدانه الفاتنـه يامسـك يادهـن عـود
الروح من سبتـك ترقـص شرايينهـا
،
قالت لي امسك حدودك لاتعدا الحـدود
انت ابدوي والبـدو تعـرف قوانيهـا
،
ويالله على الله توكل والحكي لايـزود
والنـاس قامـت اتناظرنـا شياطينهـا[/align]