مديت لك من خلف الاحلام يمناي

[@طال الغياب@]

خذني .. او اتركني .. بليّاك ..وياي
أو دوّر.. لهذي المحاني : محاني

أو هاتني وارحل عشاني بليّاي
صمتك بحر .. دام انتظاري مواني..!

شفني جمعت الليل .. واشعلت مسراي
أنقش من كفوف الزمان ...الثواني

ربيّت في صدر الشبابيك .. رجواي
بكرا شقول .. فغيبتك.. للأماني.. ؟

للطيف .. لرفوف التناهيد.. لاشياي
للصبح ..لأيام الدفى .. للأغاني

للصمت .. لباقي السوالف على شفاي
للكلمه اللي ...كابرت في لساني ..!

للملح ..لو طبطب على الحلم جوّاي
للجرح ..لو مر المكان .. وبكاني

لعطرك ..اللي نام داخل هداياي
للتيه .. لوجيه البشر ..للمباني ..!

تعبت ..اسمّر هالمشاوير بخطاي
وآخايلك .. وابقى معي ..شخص ثاني..!

مديت لك من خلف .. الاحلام.. يمناي
خذني ...أو اترك للمحاني محاني







لشاعرها / جمال الشمري