[align=center]الشاعر فلاح العراك الهاملي يرثي مجددا الشيخ بدر الفغم بنادرة المرثيات
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
هي سنة الحياة بلا شك .. فقد سبقنا الموت الي خير البشر
وفقد الاحبه حتمي ولا مهرب منه ..
والحزن عليهم امر لا نملك معه حيله ..
سوي الحمدلله ثم الترحم عليهم والدعاء لهم بالرحمة والغفران
ولا تزال وفاة الامير بدر بن هايف الفغم رحمه الله تعالي تؤثر فى شاعرنا الكبير
فلاح بن راجح العراك الهاملي
وآلام فراق رفيق دربه تحرمه لذة النوم وتقض مضجعه ...
ففاضت قريحته الشعريه بنادرة المرثيات على الاطلاق تدفعها دموع الوداع لصاحبه وخليله
وبها يواسي نفسه .. ويواسي من احب الفقيد
يقول ابوراجح فى قصيدته ...
البارحه علم(ن) ماهو زين جاني ... علم(ن) كواني كوية(ن) منتسيها
مثل سواد الليل شي غشاني ... وعيوني الثنتين ما شوف فيها
ونيت ونات(ن) وانا فى مكاني ... على رفيق (ن) رفقتي مانسيها
يابدر عقبك صابني ما كفاني ... وانا اتحرا جيتك واحتريها
ماذقت حلو النوم حتى ثواني ... والعين عيا نومها لا يجيها
كني خلوج(ن) قلبها هرجواني ... تدوج وتضيع دروب(ن) تبيها
وانا لراع الطيب بالطيب اثاني ... ومن لا يعرف صقورها يشتويها
يابدر جعلك فى وسيع الجناني ... وعسي الجنان الخضر منزلك فيها
ومن الخطا ينجيك راعي الاحساني ... منجي سفينة نوح واللي عليها
موتك خسارة يا عريب المجاني ... والموت سنه كل نفس(ن) يجيها
والدايم الخلاق والخلق فاني ... والحي نفسه موتها مقتفيها
بدر اليا شان الزمان وقصاني ... ذلولي القشرا تثنت ايديها
جيته ومن جزل العطايا عطاني ... عطية(ن) من شافها يمتنيها
ماهو بخيل(ن) للعطا ما يداني ... بدر زبون الطيبة يشتريها
يمناه وإن عدو طوال اليماني ... فيه الكرم وحقوقها تحتميها
رحمك الله ياشيخ بدر .. ونعيد تعازينا للعم ابوراجح والله يطول لنا بعمرك
وهذي سنة الحياة كما ذكرت يا شاعرنا ..
فلله الحمد من قبل ومن بعد
وتقبلوا من شاعرنا خالص التحايا[/align]