استفسار : كلية التقنيه بحفر الباطن

[طفش]

السلام عليكم

يااخوان انا مستجد بكلية حفر الباطن ولا اعرف شيء

وحبيت استفسر كم المكافأه هل هي 1000 ولا كم , ومتى تنزل وهل للكلية صرافه ولا .

النقطة الثانيه : هل اقدر اغير تخصصي -
النقطة الثالثه : هل اقدر اغير جدولي هو منتاز نوعاً ما بس السبت علي محاضرة واحده وابي احط معها محاظرة يوم الاربعاء علشان يكون يوم الاربعاء فاضي لان جدولي مافيه اي اجازة ,
النقطة الرابعه : ماهو الزي للتخصص الاكترونيات , وهل فيه مقاسات ولا كل المقاسات واحدة بحكم اني نحيف وقصير هع واين يباع الزي هل هو بالمكتبه اللي بالكلية ولا لها مبنى ثاني وهل هي طقم ولا بس البالطو فقط وهل هو مجاني ولا بفلووووووس . واذا هو بفلووس كم قيمته - وماهو نوع الجزمه (وانتم بحراامه ) وما لونها -

وفي الختاام
مني لكم السلام
وانتظرووني بالاستفسااراات القاادمه هع هع هع

[موسى الفرحان]

يفيدونك إنشاء الله ......&

[طفش]

مشكوور اخووي

وبنتظاار الاجابه ع الاستفساااااراات

[خالد2010]

انتظر الردود

[ناجي الحفراااوي]

بالنسبه للمكافأه صعب توصل بوقتها للطلبه في الكليه

وهذا ماسمعته من اغلب طلاب الكليه التقنيه

ايضاً هناك مخالفات اذا تعرض لها الطالب يتم خصم جزء من المكافأه..

[صدى الذاكرة]

المكافئه 1000 ريال وتنزل بالصرافه بعد شهرين من تسجيلك بالكليه
والبنك هو الرياض فقط
تغيير الإختصاص إذا أنت دخلت القسم وبدأت الدراسه ماتقدر تغيره بس قبل بداية الدراسه بالقسم عادي
تقدر تغيره
الجدول من الكليه وليس لك الحق بوضع جدول خاص
الزي موحد وموجود بقسم الألكترونيات وهو بمقاس وسط (بالطو فقط) وهو مجاني من الكليه
الجزمه تقدر تجيبها من أي محل

أتمنا أفدتك

[صدى الذاكرة]

اقتباس: المشاركة الأصلية كتبت بواسطة ناجي الحفراااوي    بالنسبه للمكافأه صعب توصل بوقتها للطلبه في الكليه وهذا ماسمعته من اغلب طلاب الكليه التقنيه ايضاً هناك مخالفات اذا تعرض لها الطالب يتم خصم جزء من المكافأه..

كلامك غير صحيح يمكن معلومه مغلوطه وصلتك
هذي الله يسلمك في بداية الدراسه المكافئه تتأخر أقل شي 3 شهور غيره المكافئه منتظمه بالوقت

[يسود الصمت]

كم المكافأه هل هي 1000 ولا كم

المجموع 1000 ريـال
990 لك و10 لصندوق المتدرب


ومتى تنزل وهل للكلية صرافه ولا

يسلمونكم بطايق الصراف بعد ثالث اسبوع تقريبا ومسجلة باسمك وجاهزة
وتقدر تسحبـها لما تستلم البطاقـة
هذا الي صار معنـا بدفعتنـا



هل اقدر اغير تخصصي ؟

تقدر تغير التخصص اذا كان معـدلك فوق 3,75
للتخصص الي ترغبـه



هل اقدر اغير جدولي هو منتاز نوعاً ما بس السبت علي محاضرة واحده
وابي احط معها محاظرة يوم الاربعاء علشان يكون يوم الاربعاء فاضي
لان جدولي مافيه اي اجازة

مدام الجدول ممتاز ما أشـوف له داعـي انك تغير , لان تغييرك لمادة معينة
ممكن يتعارض مع مـواد اخرى واحيان ماتقدر تغير لان بعض الشعـب فـل
ولكن النصيحة خل الجدول على ماهـو ومدام انك في اول تـرم لازم تكون متشجع
للدراسـة .



ماهو الزي للتخصص الاكترونيات

الزي لتخصص الالكترونيـات طبعاً مثل التخصصات لثانية الدعم الفني
والبرمجيات والمستودعات والتسويـق ماعدا الميكانيكا
قميص ابيض بنطلون اسـود وجزمات اللون اسـود اكرمك الله
بالاضافـة للبالطـو " الخيشة باللهجة المحليـة "
على العموم في اول تـرم مراه يدققوا في زيكـم وراح يدلعونـكم



وهل فيه مقاسات ولا كل المقاسات واحدة بحكم اني نحيف وقصير هع

طبعا فيه جميع المقاسات المعروفة من S الى XL واذا انت نحـيف يمديـك تقيـف
البالطو او تقصـره بالمقاس الي يعجبـك



واين يباع الزي هل هو بالمكتبه اللي بالكلية ولا لها مبنى ثاني وهل هي طقم ولا بس البالطو فقط

كان سابقـا يوزع مع الجداول حالياً ماعندي علم في هذا الموضوع طبعا فقط بالطو



وهل هو مجاني ولا بفلووووووس . واذا هو بفلووس كم قيمته

يخصمـوا من المكافئـة على النظام القديم بمبلغ وقـدره



وماهو نوع الجزمه (وانتم بحراامه ) وما لونها

إي جزمة في السـوق اللون أسـود



والله يوفقك ان شاء الله

[طفش]

يعطيكم العاافيه ع الاجوبه

يسود الصمت

كم يخصمو من المكافئه ؟؟ قيمة البالطو ؟؟
ولون القميص ماهو للتخصص الالكترونيات ومن فين اقدر احصلو ؟؟

طيب فيه استفسار يقرقع بقلبي هع
افضل التخصصات ماهو ؟؟
اكيد دعم فني طيب اللي بعدو ؟؟
وهل تخصص الالكترونيات له مستقبل ولا ؟؟

[خالد الهويدي]

لالا اخوي كلام ناجي صحيح

فيه مخالفت وتخصم من المكافئة


شعر + زي +اشياء ثانية