ارخت هدبها وارتخت هامت الليل*^*يوم احتضن كفي تفاصيـل يدهـا
روعه تفاصيله وياهـي تفاصيـل*^*اعدها واخطي واضيـع عددهـا
ضميـت يدهـا لليـال المقابيـل*^* بردان انا يـا جمرهـا يـا بردهـا
اسرق دفـاي وماتزيـن التعاليـل *^*الا على جال الشفق فـي شهدهـا
لاياشهد وش جاب دجله على النيل*^* لا يا سحابه برقهـا مـع رعدهـا
لا لاح برق ورمش عينه مضاليـل*^* لا تنشدون الشمس منهو وئدهـا
كانت معي ...صار اللقا بالتساهيل *^*وراحت وكن القلب ماقد وجدها
اقفت وخلتني وما مـن محاصيـل *^*الا العطش وبيارها مـن وردهـا؟
انـا بـدوي وراس مالـه تماثيـل *^*اطـلال لامنـه تضايـق نشدهـا
لاجفت القيعان شلـت المواويـل*^*وسقت المطايا لين يظهـر زبدهـا
انا ونوقي نتبـع الوسـم ونحيـل*^*نسري ورى برق الحيا فـي بلدهـا
نقطع جراهيد ويجيب الله السيـل*^*فحوى الامل لعل يصدق وعدهـا
اجمع زهابي والحطـب والمعاميـل*^*وبيت الشعر والخيمه ارفع عمدهـا
اشب ضوي واطبخ البـن والهيـل*^*في دلةٍ صفـرا ونفسـي سعدهـا
دله... ونار... وفذتين... وفناجيل*^*تسوى حياة اللي حياتـه عبدهـا
الا ياكود مواجـة نافـل الجيـل*^*في ذمتي تسوى الحيـاة ورغدهـا
لاشفتها انسـى العنـا والغرابيـل*^*وانسى همومي والحيـاه ونكدهـا
على لقاها اعـدل الحـظ ويميـل*^*لابوك حظ الموت نفسي هجدهـا
اللـي بوجنتهـا تشـع القناديـل*^*اخت القمر لا قبلهـا ولا بَعدهـا
لا ارخت هدبها ترتخي هامت الليل*^*وانا ألتفـت وعيـونــــي اللــه قردهـا
المواضيع المتشابهه
العرض العادي
