اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > أخبار الشعر بالإعلام ولقاءات الشعراء

أخبار الشعر بالإعلام ولقاءات الشعراء كل ما يتعلق بقضايا الشعر بالإعلام المرئي والمقروء ولقاءات حصرية مع بعض الشعراء

 
 
أدوات الموضوع انواع عرض الموضوع
قديم 10-10-10, 06:19 AM   رقم المشاركة : 1
محمد البرازي
مشرف سابق
الملف الشخصي







 
الحالة
محمد البرازي غير متواجد حالياً

 


 

شاعر رقم ( 1) من وجهة نظري .

[align=right]سعد بن جدلان الأكلبي

بإختصار هو: ملك الشعر

ــــــــــــــــــــ


فقير.. لايملك مالاً,لنرجع سبب تسيّده لأمواله...

و قبيلتة العريقه (اكلب)الجنوبية ليست من القبائل الكبيرة بالمملكة العربية السعوديه(حتى يجد مئات الألآف من أبناء قبيلته لدعمه وتبجيلة)....
ولا يملك الوسامة ,والأناقة,وفن التحدث والإلقاء,لا يعرف معنى ما يسمى بالإتيكيت
بل انه على طبيعته وعلى سجيته وأجمل ما يميزه العفوية الصادقة التي يحملها...


تعملق أبو محمد وأعتلى هرم الشعر وهو لايملك إلا شعره الفريد, وقد كفاه..
وأصبح الآن وكيلا معتمدا للشعر,وفحلا من فحولة القلائل,وفكر ابن جدلان أصبح مدرسه,تتلمذ على يده الكثير والكثير من الشعراء....
وأستحق أن يكون الشاعر رقم 1
وبلا منافس,
وبإعتراف شعراء الساحة ونقادها...
كثير من الشعراء يزينون قصائدهم الخاصة بإسمه,إما ببيت مشهور له أو بذكر انه ملك الشعر ,أو حتى التباهي بفكر ابن جدلان......
,و أذكر هنا بيت لإبن شلحاط يقول فيه:
وابن جدلان الفحل في الشعر سواله وكاله

و بيت للشاعر المتألق سعد علوش يقول فيه:
يافكر ابن جدلان ياتركيبتين من البدر

وهذا الأخير له محاوره شعرية مع ابن جدلان سوف افرد لها موضوع اخر...
له ديوان,وقد اسماه:سمان الهرج,وبالفعل هي كذلك,وله ديوان صوتي,ولكن لا أنصح بشرائه,
لأن طريقة إلقاء وحديث ابن جدلان لا يفهما الكثير,نقدر نقول(مسّرع),والأفضل قراءة أشعاره كنصوص...

التقيته شخصياً مرة واحدة في مجلس خاص,وأفخر بذلك
اندهشت من ثقافة الرجل,وسعة افقة,بالرغم من بداوته,وهندامه المتواضع ,وطريقة كلامه,وضحكته المميزة (هع هع)وبصوت مرتفع....
طرق كل أغراض الشعر,وأبدع فيها
كتب للوطن,ومدح من يستحق المدح,وهجا كذلك,وكتب القصائد الوجدانية,بل حتى المواقف اليومية.....
أما قصائد الغزل,التي أبدع وتألق فيها,وكما قال أحد النقاد :
لم يٌبقي سعد بن جدلان لمن يأتي بعده شيئاً.
يسعى إليه الإعلام ,يخطب وده الأمراء والشيوخ ,ويتلقى يوميا سيلاً من الدعوات لإقامة أمسيات أو حتى مناسبات خاصة,وتتسابق عليه الصحف والمجلات والقنوات التلفزونية المهتمة بالشعر.(فسبحان الله)........
ــــــــــــــــــــــــــــــــــــــــــــــــــ ـــــــــ

في بداية سردي لقصائده ,سوف اسرد أبيات مختارة من قصائده,لا لشئ وإنما لاختلاف الأذواق, ولكي لا تصابون بالملل ,وبعض القصائد تكون للمناسبات ,وراح اكتفي بذكر أبيات مميزه منها....
أبيات مختارة من قصيدة 100 عام
مية عام ولنا حاضر من الماضى عليه شهود=فتوحات وبطولات و وطنا عالى شانه
هذا عبد العزيز اللى صنع تاريخنا المرصود=وترى ماهو غريب يخلد التاريخ شجعانه
هذا عبد العزيز موحد الامه بدون قيود=بعد كبر وهلل واسترد لحكم جدانه
فتح نجد وبنا مجد ونشر علم واقام حدود=دحر ظلم ونشر سلم وصبر لين الوطن صانه
نعم منا وفينا كلكم ياشجرة ال سعود=ترى حنا الجسد وانتم سواة الراس وامتانه

وفي مزاين الإبل لابد وأن يسجل ابن جدلان حضوره,وأبيات رائعة للأمير مشعل بن عبد العزيز:
برعاية اللي عليها ساسه مدرب = ومن طردها تشلع ثوبه على ساقه
أبوه عبدالعزيز وفعله مجرب = بدر تعد الدراهم تحسب إشراقه
لا جنب البل صبي فوزه مترب= مشعل وراها بصالونه وسواقه

وهنا يقف ابن جدلان وأفراد قبيلته أمام الأمير سلطان ويقول:

جينا يا سلطان ابوخالد لناحاجه = ولولا الرجا فيك مازاعت ركايبنا
نستربيوت الندا عن كل هرّاجه = كنوزنا الصبر والشيمه رواتبنا
كلٍ يروح ويجي و يعد ما واجه = واليوم حنّا عيالك وانت شايبنا
وإسلم عدد مايهيج البحربامواجه= وإقبل تحية ضيوفك يامعزبنا

وهنا يقف أمام الأمير سلمان يطلبه الفزعة في قضيه(غير صالحه للنشر) واتركها لمن يستشفها:

و عندكم يا بو فهد تبدا الظواهر و البطينه = انتوا اللي بعد رب البيت منصى للشكيّه
سيدي ترك الحقوق اللازمه ما هيب زينه = خص عند اللي يقول حقٍ علي و حق ليّه
إن بغيت أصد لا الصده عن الماجوب شينه = و إن بغيت أجود شحّن المصاري من يديّه
في و جهك و وجه أبوك و جاه مكه و المدينه = و جاه من صام رمضان و جاه من حج الضحيّه
من قيادٍ عند أخس الناس ورّانا الغبينه = و الدهر يا كثر قشرانه و ياقل أجوديّه
يا صلاة الله على من دين أهل الاسلام دينه = و السلام و رحمة الله و بركاته و التحيّه

وقد أرسل الشيخ/حمدان بن راشد(فزاع)هديه لابن جدلان وقد رد بقصيده قال فيها:

يا حمدان يا بن محمـد الراشـد المكتـوم***هديتك وصلـت يـا السنافـي و مقبولـه
هديتك يـا فـزاع يـا فزعـة المضيـوم****جتني من دبـي عبـر الاقاليـم منقولـه
ومرت بعطاك اليوم بدري و وصل اليـوم***وانت ساكن ٍ دوله و انـا ساكـن دولـه
تقبل تحياتـي مـع المسـك و اليشمـوم***تحت بصمة ٍ من عالـم الشعـر مسئولـه

وهنا يخاطب الفقر بعد ما أصيب بفقر الدم:

يافقر قلي وش تبي من ورانا ***** زود" على فقر الدراهم فقر دم
ماحاشت يدينـا غدابه عطــانا ***** نبذل ولانحسـب يدينـا عطـت كم
ولابه رصيد عندنا من يدانــا ***** الا الفـعول الطيـبه خشـية الذم
لو انتسلف للغدا من عشانا ***** نصبر ولو احــوالنــا كلـها هـم

ويتحفنا ابن جدلان بأبيات الحكمة بفلسفته الخاصة:

في السوالف والقصايد سلبـي وإيجابـي***وفي ردود أفعالهـا محمـوده ومأسوفـه

والطبايع فـي الأوادم للحيـاة أغرابـي***والتصادم في مفاهيـم العـرب مسلوفـه

في طرفها المرء لا يسعـد ولا يرتابـي***والمنافـع والضررعفويـه ومهـدوفـه

يعني ما تحكم على الصادق من الكذابـي***من عدم صدق النوى والغاية المكشوفـة

والسهوله للنفوس أقرب مـن الصعّابـي***والطبيعية مداهـا أبعـد مـن المزيوفـه

طارق أبواب العرب تفتح عليـه أبوابـي***من فتح باب الضيافة يكثـرون ضيوفـه

وفالنفوس اللي لا تشبع بي ولا تروا بي***ليل هقواتي طويل وشمسهـا مكسوفـه

كل ما ضنيت ضنـاً فـي كنفهـا غابـي***عندها أوهامي ضحاياها ضحايا الكوفـه

أحسن أجيها زهابي في ظهـور اركابي***لا تكلفني وهـي عنّـي ماهـي مكلوفـه

لأجل ما يسبب قلق فكري وحرق أعصابي***وإنشغالي من قوييـن الدهـر وضعوفـه

والوفاء والصـدق للصدّيـق والخطابـي***والظفر لإبن الوليـد بعزوتـه وسيوفـه
ــــــــــــــــــــ
وفي قصيدة اخرى تتمثل الحكمة في ابياته:

الجهاله فـي ابـن آدم توليـه الدبـور = لوطريقه غـادي يحسـب انـه متجـه
عنده ان مامثل شوره مع الاشوارشـور = مادرى انه له مـزاج وللنـاس امزجـه
يمكن ان تلقى مـزاج يبادلـك الشعـور= لو على فلم الشطـاره وفلـم الدبلجـه
واخر المشوار لا حصلت مافي الصدور = كل زور فيـه شوراليـا فـاق اهرجـه
القمر والشمس كنها تسلف منـه نـور = والجبال اتصير تحته خيـول مسرجـه
يحسب ان معه افضليه توليـه العبـور = ان لقاءالملح ازعقه ون لقاءالحلواسمجه
السماء عجزت تنوشه جناحين الطيـور = ماوصلـه الامحمـد ابليلـة معـرجـه
يا ابـن آدم يلعـن الله مختـال فخـور = من تواضع تحت ربـه يعليـه ادرجـه
لجل ماتدخل جهنم على شـان الغـرور= للعرب حاول تواضع وتعطيهـم وجـه
من لقا عذب المشارب ومثمرة الزهـور= ما قعديغرف من البحرويسوق احدجـه


للامانة أعتبر الشاعر اتعب من بعده .. وهل بعد أبن جدلان شعراء .

منقول ..
[/align]







التوقيع :
لا إله الا الله

قديم 10-10-10, 06:24 AM   رقم المشاركة : 2
محمد البرازي
مشرف سابق
الملف الشخصي







 
الحالة
محمد البرازي غير متواجد حالياً

 


 

رد: شاعر رقم ( 1) من وجهة نظري .

وهذه بعض قصائد سعد ابن جدلان كاملةً,والاغلبيه غزل:

ياأهل القصيد مراسلين الجرايد=تكفون صونوا كلمت الشعر تكفون
خلوه يلقامن وراهافوايد=فيدوا وخلوا غيركم يستفيدون
لاتعرضون أنفوسكم للنقايد=الرابح اللي من غثاالناس مصيون
أليا بغيتوانادرات القصايد=صيتوالشعار الأدب وش يقولون
أهل الأدب والتجربه والركايد=أمثال مرشد والعطاوي وأبن عون
أفكارهم ماتنتج اللافرايد=تقول بصدور الأوادم يويقون
وقلته وأنا عنهم بعيدٍ ونايد=ولانيب قايلها على شان يوحون
ولانيب راجي من وراه افوايد=لاكن رجلٍ يخفي النور ملعون
ـــــــــــــــــــــــــــ


يامل قلب(ن) تقول يقلا على صيخ = خلت به الدنيا حـزازات ومشـوخ
دنيا تنوخ راعـي العقـل تنويـخ = وينداش فيها صاحي الفكر ويـدوخ
تغيـرو فيهـا العيـال المطانيـخ = وسبابها شمل العرب صار مشلوخ
خلتهـم الدنيـا مناشـف طبابيـخ =حتى الاقارب بينها الذيب مصلـوخ
ماعاش فيها الاأعيـال الطخاطيـخ =خطوا البعير اللي من المدح منفـوخ
من شان ماله صار شيخ ولد شيـخ =وامشيخٍ نفسه على النصب والجوخ
بالحكـي لعتـازوه ويـاك مريـخ =وليا جاء لزومٍ عندهم صاروا فروخ
ـــــــــــــــ

ياعيون اللي على المرقب تعـلاّ = مايرب الا المراقيـب الطـوالا
طرتّك منها غثاء البـال يتجـلاّ = نعـسٍ مابينهـا بيـضٍ تـلالا
تذهل إلّي في جواهرهـا تحـلاّ = واهني من ذاق من ريقـك زلالا
لا وجاه الله ومنّ زكّى وصـلاّ = مانبيك الاّ على السنّـه حـلالا
مايرّد الجوع شخبٍ فـي المفـلاّ = ولا يخضّ السعن من ذوده هجالا
أنت غالـي ياوليفـي لا تغـلاّ = يثبت الليّ بيننـا ايـامٍ طـوالا
واللهّ انّي ميسٍ من وصلـك الاّ =فزعةٍ من ربنـا جـلّ وتعـالا
أدخل الضولات من شان أتسـلاّ = كود جرح القلب يبرى ويتشـالا
والمجنّب مـن الأوادم مايخـلاّ = لا سلم من شرّ ذولا ..جـوه ذولا
ــــــــــــــــــــــــــــــــــــــــــــ
آه من قلبي اللي دايمٍ في ذهول"="والله انه ثقيلٍ لين جوه الثقال
ياقطاة العبيه ياهيام الذلول"="ياعيون النداوي يارقبة الغزال
نور وجهك على من شاف منك القبول"="نور صبحٍ تبسم في رهاد الجبال
كني اقرا على طُرّة جبينك تقول"="انا قلبي يحبك ياحبيبي تعال
كان قدمي حدٍ فالحب راح مهبول"="والله انه خطيرٍ لايجيني هبال
المحبه جملها مرسلٍ ومعقول"="نعنبو من يقول ان المحبه خبال
والذي ليلة الاسراء عرج بالرسول"="ان حبك لحال وحب غيرك لحال
ـــــــــــــــــــــــــــــــ

البارحة عنزت للراس كفي=ونيت من باب الشرس والحماقه
حبيت ابين من خفوقي واخفي=ملامحٍ عن الاصدقاء والرفاقه
صديقي اللي لسانه يرفي=ولي صملت مني نوى لنسراقه
احسن يقفي عن طريقي واقفي=مستغنيٍ الله والا ذي الصداقه
ورفيقي اللي ما يوقف بصفي=لا يمتكن بيني وبينه علاقه
فرقاه ربح وجيته ما تشفي=الا الذي ماله على الشي طاقه
والا بعضهم للعلوم متلفي=لي جاه علمٍ حط فوقه وساقه
كبير قلبٍ في الحياة متعفي=راسٍ خلقه الله في جسم ناقه
لا مولعٍ نارٍ ولا هو مطفي=من حيث ما يصفق به الموج ساقه
ـــــــــــــــــــــــــــــ
دخلت في الحب تصنيفه ورد أعتبـار***وأجتزت كل المراحل .مرحله. مرحله
غلطان توي دريت أن المحبـه دمـار***تأثر على حاضر العاشـق ومستقبلـه
سويت مثل العرب الأفغان في قندهار***أن حاربو مشكله وأن عودوا مشكلـه
ـــــــــــــــــ
لوّ إن عندي مثل ماعند الوليـد بـن طـلال***شريت برج الفيصليه لجـل اغيـظ المملكـه
ماهو على شان الجنيه ولا على شان الريـال***لكن على بالي طـرى شـيٍ تمنيـت أدركـه
غروٍ غريرٍ غـرّره زينـه ومطغيـه الـدلال***لاشاف له شيٍ يبيه فظـرف لحظـه يملكـه
اللي سواته وبسهوله يملك قلـوب الرجـال***اليا لمح له درب في قلـب الرياجيـل سلكـه
هذا وأنا ماشفت منـه إلا التمنّـع بالوصـال***كفي من الحسـرات لامنـي تذكـرت افركـه
يحبني وأدري بحبـه ميـر ماجالـي مجـال***أجلس معه جلسه وهذا الوقت ما فيه بركـه
يطري علي مع السهر وأخذ ثلاث/أربع ليـال***تقول كن العين ظبي وحضرة الليـل شركـه
صوته ليا جاني ظما يسقيني المـيّ الـزلال***وساعة غيابه تدخل عيوني ونومي معركـه
شفايفه جمرٍ وأنا شاعـر سريـع الإشتعـال***الله أشغلني به وغيري ما أشغلـه إلا كبكـه
لبّا عيونه والشعر لاحط شال وشـال شـال***إن طوّله وإن قصرّه وإن سعوّده وإن أمركـه
ولبّا النحيل اللي تحمّل شيلـة حمـولٍ ثقـال***ولبّا الثقال اللي ولو وقّف يجي فيـه حركـه
إليا قفل جواله أظلم كل مـا حولـي ومـال***فكري لتيار العذاب وكـل طـاروق إمسكـه
وأصبحت أهوجس ما تقول إلا الوليد بن طلال***مع إني أفقر شخص عايش في حدود المملكه
ــــــــــــــــــــــــــــــــ
الا يالهبوب الباردة عجلي هبي=على جاش من قامت هواجيسه تلوبه
انا مرةٍ اصحى ومره يغيبي=واسرح معا كثر الطواري بغيبوبه
الا يادهر ما هو بحقٍ تلاعبي=خليتني لمقرد الخلق لعبوبه
عبادٍ مغقلها الزمان وتعجبي=يحسبون قل المال فالرجل عذروبه
وانا قانعٍ باللي علي كاتبه ربي=ومؤمن بمقدوره وقانع بمكتوبه
ولا ابغى عمى الاريا برايه يجربي=وهو ما عرف ماجوب ربي وما جوبه
هدور المجالس راعي المدح والسبي=وهو بالخلا لو جاه بنتٍ خذت ثوبه
يقولون لي جز من تصرفك وتحبي=وهي توبتي من مجتمعهم هي التوبه
ديار الوبا من طبها راح متوبي=وقرابة الجربا على الحول مجروبه
انا عارفٍ منصاي ليا من بدا نبي=وعارف طريقي والذي باتجه صوبه
وانا اعرف من اعادي وانا اعرف من احبي=وبه ناس لاتعرف ولاهي بمحبوبه
ــــــــــــــــــــــ
ويش أسوي ياعيون الوحش عنق الغزال = لاحصل طاريك يفتح على قلبي أرواق
لي ثلاث سنين بين الحقيقـه والخيـال = وأخر اشهر ذالسنّه تكمل الرابع غـلاق
شبه وضحاّ فالمخاضير زاويها الحيـال = من غلاها عند أهلها تبـارى ماتسـاق
تيهّت من صغرها بين ثنتيـنٍ هجـال = مهتويها راعيّ البل وعاشقهـا عشـاق
عنديّ إنّك ماخذٍ تـاج ربّـات الجمـال = سلموّك الحسن من باب صنعاء للعراق
ــــــــــــــــــــــــــــــ
أنا وين أبلقى يالاجاويد فاعـل خيـر=حريصٍ على سرّ المحبيـن لارسلتـه
أناّ لوّ أبصبر عام مابـان بـي تأثيـر = وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير = والى جيت ابشرح له كلامي تهيزلتـه
يجيني منّه هيبه . معزه . سحى . تقدير = اقابلـه عنـدي علـم وأروح ماقلتـه
ـــــــــــــــــــــــــ

الله على الزين عذبني وعنانــــي ***جروحي اللي بروحي كلها منـــــه
يـلعب عليه يامرني وينهـانـــــــي ***مر يهودي ومر من هل السنــــــه
على مناويه لاحرمني ولا عطاني***خلاني أعيش بين النار والجنـــــه
لـجـيـتـه اقفى ولـقـفـيت نــادانــي***هاذي سواته معي من مقدم الكنه
أما رحمني وعالجني وداوانـــي***حسب القوانين لافضل ولا منـــــه
ولا افترقنا وكل وادع الثـانـــــي***ارتاح بعد العنا من جرت الونــــه
ـــــــــــــــــــــــــــــ

(اف) ياكثر الاحلام اللي على بالي وشفي=(اخ)ياراسي من التفكير في من لا يشونة

(اح)ياكثر انتظاري في قبول اللي مقفي=(اه)ياحب عطيتة ناس ما يستاهلونة
ـــــــــــــــــــ
ودنا بالطيب بس الدهر جحاد طيب ،،، كل ماتخلص مع الناس كنك تشغها ...
يدك لامدت وفاء لاتحرى وش تجيب ،،، كان جتك سالمه حب يدك وخشها ..

سامحوني على القصور







قديم 10-10-10, 10:28 AM   رقم المشاركة : 3
تسواهن
مشرف سابق
الملف الشخصي






 
الحالة
تسواهن غير متواجد حالياً

 


 

رد: شاعر رقم ( 1) من وجهة نظري .

[align=center]
.
.


عروق الحشى ماتنبت الاّ علـى طاريـه
تنامى على قربه وتهجـر علـى فرقـاه
فترى من يعذل مولعٍ من هـوى غاليـه
مثل من يحاول يعدل السيل مـن منحـاه
فأنا شفت ناسٍ صلحوّ فالهـوى تشويـه
لا عيّن وليفه مخلـصٍ كـلّ يـومٍ جـاه
لوّ انّ الهوى ذالنـوع محـدٍ تعـذّب فيـه
الكل أهتنى فالحبّ حتـى الطلـي والشـاه



شاعر ما عليه كلاااااااام


اختيار موفق لشااعر مبدع


يعطيك العافيه يالاجوودي

.
.
[/align]







التوقيع :

قديم 11-10-10, 01:23 AM   رقم المشاركة : 4
@ابوفهد@
عضو ذهبي
الملف الشخصي






 
الحالة
@ابوفهد@ غير متواجد حالياً

 


 

رد: شاعر رقم ( 1) من وجهة نظري .

اختيار موفق ياالبرازي


وابن جدلان أشهر من نار على علم



ولكن لكل شخص شاعر مفضل



عندي ابن فطيس رقم 1







التوقيع :



قديم 11-10-10, 01:45 AM   رقم المشاركة : 5
ناجي الحفراااوي
العضوية الفخرية
الملف الشخصي







 
الحالة
ناجي الحفراااوي غير متواجد حالياً

 


 

رد: شاعر رقم ( 1) من وجهة نظري .

ونعم والله بأبن جدلان

ونعم الاختيار يامحمد

فعلاً يستحق ان يكون الاول.

يعطيك العافيه على المقتطفات الرائعه..







التوقيع :

قديم 11-10-10, 04:57 AM   رقم المشاركة : 6
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

رد: شاعر رقم ( 1) من وجهة نظري .


[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا وين أبلقى يالاجاويد فاعـل خيـر=حريصٍ على سرّ المحبيـن لارسلتـه
أناّ لوّ أبصبر عام مابـان بـي تأثيـر = وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير = والى جيت ابشرح له كلامي تهيزلتـه
يجيني منّه هيبه . معزه . سحى . تقدير = اقابلـه عنـدي علـم وأروح ماقلتـه[/poem]
[align=center]
محمد البراازي

واختياار جزل وسمين

تسلم علي هالذائقه الرائعه

يعطيك ألف عاافيه
*
*

[/align]







التوقيع :













 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:22 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم