[align=center]
احبتي في منتديات حفر الباطن
السلام عليكم ورحمةالله وبركاته
يشرفني أن أكون هنا بينكم
في هذا المنبع التراثي الراقي
ويسرني أن أقدّم لكم أولى مشاركاتي عسى أن تروق لكم[/align]
[poem=font="Simplified Arabic,5,darkred,normal,normal" bkcolor="transparent" bkimage="backgrounds/7.gif" border="double,3,firebrick" type=2 line=0 align=center use=ex num="0,black"]
كـريــم يـابـارقـاً يــنــوض يــــم الـحـجــاز=شوّقـت قلبـي لــدار الـعـز ديــرة هـلـي
القـلـب كـنـه مـولّـع فــوق دافـــور غـــاز=من كثر مابه من الاشـواق يغلـي غلـي
يــدق بـيــن الحـنـايـا مـثــل دق ارتـــواز=لاواهـنـي الــذي مـرتــاح قـلـبـه خـلــي
يطري على خاطري حاجات بعض الحزاز=تجذب معاليق قلبي مثـل جـذب الدلـي
جلسه على جال روضه مع رجـالٍ عـزاز=والجمـر والعـود الازرق والــدلال المـلـي
في مجلـسٍ مايعجعـج فيـه ريـح الخنـاز=عـادات نفخـر بـهـا مــن عصـرنـا الاولــي
يفـوح ريـح الخزامـى مـثـل ريــح الـغـراز=فـي روضـةٍ كلـمـا هــب الـهـوى ميّـلـي
جاه المطـر بـاول الوسمـي ونبتـه عـزاز=وازدان بـالـلـون الازرق كــنــه امـنـيـلـي
يعجبك صوت ام سالم مثل صوت الجهاز=يازيـن صـوت ام سالـم فالـديـار الخـلـي[/poem]
[align=center]أبومشعاب[/align]