إخواني وأخواتي الأعضاء
عندنا كلمه دارجه في وصف شدة الجمال وهي ( موووووت ) كلمه عاميه ويا كثر مانقوووولها
ومن هالكلمه بدت فكرة هذه القصيده المتواضعه التي أتمنى أن ترتقي لكعب ذوقكم الرفيع .....
آملا ً قرائتها بتأمل لإكتشاف عيوبها التي لم أرااااها ..... ولكم تحياتي
[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
يا موتي اللي دايم ٍ عايش ٍ فيه=..... وش آخر اللي باقي ٍ من عذابك
مدام بردي ما لقى من يدفيه=...... وناري تركها بالمحاني سحابك
يا مووووت لا تِلحِق خفوقي مشاريه=..... دامك حياتي في ضماي وسرابك
فيك الوصايف ترفض أيّات تشبيه=....... وفيك الحلا من وين ما رحت جابك
جل الذي خلق المخاليق بيديه=....... اللي رسمك ابصورة ٍ من ترابك
الزين لا منه طغى ذنب راعيه=....... وذنبي جمال ٍ فيك جمّل ثيابك
من كثر حبي أحسد اللي تحاكيه=....... وأحسد كلام ٍ تنطقه من كتابك
لولاي خايف أكفر بشي هاقيه=...... قلت الخلايق نورها من جنابك
أنت الحبيب اللي أنا ميّت ٍ فيه=...... لو كان حظي منك قمة عذابك
الوطني
[/poet]
)
العرض العادي
