يوم اقبلت تمشي تهادى بخطوات .... مشى الزعيم اللي على راس دوله
بلحالها لو المخاليق لمات... ما حد سواها يبهر العين زوله
حاولت اعبر عن شعوري بكلمات .... وتبعثرت كل الحروف بسهوله
وين الغزل وين الشعر وين الابيات ... وين الكلام اللي منول نقوله
قالت علامك واردفتها بضحكات ... قلت اسمحيلي مابقى بي رجوله
قالت بسيطه كلبوها سلامات .... كم واحد قبلك عقرنا ذلوله
مادام مانت بقد صعب المهمات ... وش له تقف في درب عذرا خجوله
قلت المصيبه كنت انا افه افات .... اعسف مهار الحب واسرج خيوله
ياما جرالي من هل العشق صولات .... ماحد خذا قلبي ولاحد بحوله
قالت ترا النقصان ترديد ما فات .... ماينفع العاشق مواضي فعوله
العشق موت ناس واحياله اموات .... وخلا صناديد الرجال مهبوله
قلت اختصر لك ما بعد من مسافات .... انتي طموح القلب وانتي ميوله
قالت ترا للبحر موج وغبات .... ولاكل من هاز المعلا يطوله
قلت ابشري يابنت بمرخص الذات .... ابيع نفسي دون حلم الطفوله