اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

 
 
أدوات الموضوع انواع عرض الموضوع
قديم 05-05-06, 04:07 PM   رقم المشاركة : 1
مشهور القرشي
عضو برونزي
الملف الشخصي






 
الحالة
مشهور القرشي غير متواجد حالياً

 


 

عندما اخذ شالح بثأر اخيه الفديع من عتيبه

شالح بن هدلان شخصيه معروفه عند جميع قبايل الجزيره العربيه وهو من قبيلة قحطان من الخنافره

وكان له اخ كان سند له في كل شي واسمه الفديع


وقتل في معركه مع قبيلة عتيبه وحزن شالح عليه حزن شديد

واخذ بثاره من قبيلة عتيبه من عبيد ابن الامير تركي بن حميد الفارس المشهور وعمد اليه في حومة الوغى فجندله .بثار الفديع فكبر المصاب على الحمده بفقدان عبيد بن تركي بن حميد

واخذ اخوه ضيف الله يتمثل بهذه الابيات راثيا اخاه عبيد ومتوعدا قبيله قحطان التى قتلت اخاه ومحرضا الامير محمد بن هندي بن حميد على ذلك فقال



ياونتي ونة كسير الجبارة***اللي وقف مااحتال وليا قعد ون
عليك ياشباب ضو المنارة***عليك ترفات الصبايا ينوحن
من مات عقب عبيد قلنا وداره***لاباكي عقبه ولا قايل من
تبكيك صفر(ن)البسوها غياره***تبكيك يوم ان السبايا يعنن
وتكيك وضحن ربعت بالزباره***اليا قزن من خايع مايردن
الخيل عقب عبيد مابه نمارة***وش عاد لو راحن وش عاد لو جن
ياشيخ ماتامر عليهم بغارة***كود الجروح اللي على القلب يبرن
يقطع صبي ما ينادي بثارة***الى اقلبن ذولى وذوليك قفن
ياهل الرمك كلن يعسف مهاره***والمنع مانطريه لاهم ولاجن


فاجابه شالح بن هدلان بقوله:

ضيف الله اشرب ماشربنا مراره***اصبر وكنك شالح يوم حزن
راح الفديع اللي علينا خساره***واخذ قضاه عبيد حامي ثقلهن
يمنى رمت به ماتجيها الجباره***اللي رمت بعبيد حامي ثقلهن
من نسل ابوي وضاري للشطاره***يصيب رمحه يوم الارماح يخطن
وعبيد خللي طايح بالمعاره***عليه عكفان المخالب يحومن
وعاداتنا بالصيد ناخذ خياره***ثلاثة الجذعان غصبن بلا من
ياقاطع الحسنى ترى العلم شاره***لابد دورات الليالي يدورن
حريبنا كنه رقيد الخباره***خطر عليه اليا توقظ من الجن
ماني بقصاد بليا نماره***اجدع نطيحي بالسهل وان تلاقن
من حل دار الناس حلو دياره ***لابد ماتسكن دياره ويغبن
ومن شق ستر الناس شقوا ستاره***ومن ضحك بالثرمان يضحك بلا سن
وان كان ضيف الله يعسف مهاره***فمهارنا من عصر نوح يطيعن
تدنا لصبيان سواة النماره ***شهب لماضين الفعايل يعنن







التوقيع :

 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:24 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم