[poem=font="Simplified Arabic,5,royalblue,bold,normal" bkcolor="skyblue" bkimage="backgrounds/15.gif" border="groove,4,skyblue" type=2 line=1 align=center use=ex num="0,black"]
هـــلا كثر الكـــلام وكـثر ما في هالحياه أجناس =هـــلا كثر السرور اللي بشــوفتـــك ايتـــهاداني
هـلا مـن شاعر ٍ قــصر المـعاني باني ٍ له ساس = بنـيــت إلك الجـــواهـــر ياحبــيـــبـه عالمٍ ثاني
أميره تسكنين أفخم قصــيدي وان خذاك انعـــاس =لك إحساس الخفوق وشاح نامي وسط قـيفاني
هـــلا ليل ٍ ضحوك الشعر له في ليلنا أنفــــــــاس =يــشّرع بـ.الـــقلــوب المقـفله للــعيـد بـــيبـــاني
تضج آبــه الــعـقول المتعبة ترياق مـــثل الكأس= تناجى فيــه أحاســيس الغرام أحلام وشجــــاني
هلا نجوم ٍغــدت بالليل تطرد رايق النـســـناس = تـهــيم مع الفضاء بحضرة قمرها العالي الداني
هلا ورده مســـهـرها نداها والورود إحساس =يـوشوشــهـا الـنســـيـم وتـمنــحه عطرٍ وريحاني
هـلا غيـمٍ نـشا من شــــــام برقه بالدجى قباس =هـلا بــريـح الـمـطر جا مع هبوب الريح وأحيــاني
أنا لآمن حضرتي ماعليّه من غياب النـــــــاس =مـدامـــــــك كـل نــاسي والـصديق وكــل خـــلاني
هلا باللـي لـها أعيوني على أبواب السهر حراس =هـــــلا كثر السرور الـلي بـشــوفـتـك ايـتهــاداني[/poem]