تجهيز جنطة ميك اب عروس2011 بالكامل <<حياج خبيرة بروفشنل
[align=center]
صباح الورد
بصراحه طرى ع بالي فكره يارب محد سبقنا عليها وقلت اخليها حصريه لمنتدانا طبعا التعب كله على خبيره بروفشنل فدينااااها ماتقصر
الفكره::
اننا نجهز جنطة ميك اب كااااااامله من الى لعروس 2011 بالصور والاسماء والارقام والاماكن
وياليت لينو اذا خلصت خبيره من اضافة كل شيييييييي تحت بعض تخلي ردودها ثاني رد على موضوعي وترتبهن تحت بعض عشااان ماتصير اغراض الجنطه حوووسه والعروس اذا بتدور
اغرضها ماتلقاها تخبرون عروس وبتصير مصقوعه شوي<<طراره وتتشرط بعد
هي المخرج وانا المؤلف والتثبيت على لينو مديرة الانتاج[/align]
رد: تجهيز جنطة ميك اب عروس2011 بالكامل <<حياج خبيرة بروفشنل
اول شي بالتوفيق لكل العرايس والله يتمم لهم على خير
ثاني شي بتكلم عن اهم واصعب خطوه وهي اختيار كريم الاساس والبودره
بالنسبه لاختيار البودره
البشره الدهنيه,,,, اي بودره مضغوطه بتناسبها
للمناسبات // تستعمل بودرة سمايلنج رقم 9
لليومي // تستعمل كريم وبودره بنفس الوقت وافضل شي كريم ميركال تتش من ماكس فاكتر او من ميبلين نفس الطريقه بودره وكريم مع بعض
البشره الجافه ,,,
ماتستعمل بودره مضغوطه لازم بودره حره وافضل شي بودره كلينك
كريم الاساس
البشره الدهنيه
للمناسبات // استي لاودر او ديور اوديرما كول مع شوي من ماكس فاكتر
لليومي // ريفلون او نفس ماقلت تستعمل كريم وبودره في نفس الوقت او هيلثي ميكس من برجوا
البشره الجافه
لازم نختار لها كريم أساس مرطب + مغذي بتركيبه اتحافظ على ليونة البشره
للمناسبات // في كريم اساس من ماك من فور ايفير ومن جيرلان طبعا لازم تقوليله للبشره الجافه لان كل ماركه لها نوعين للبشره الجافه والدهنيه
رد: تجهيز جنطة ميك اب عروس2011 بالكامل <<حياج خبيرة بروفشنل
الكونسيلر// من فور ايفر
وكونسيلر بن ناي للمناسبات يخفي حتى الوشم
البيس//
البيس هو القاعده اللي تحطينها قبل الشدو عشان يكون الشدو لونه قوي وواضح وثابت...
تقدرين تختارين بلشر اوشدو كريمي وتخلينه بلشر وبيس وروج بنفس الوقت بس يكون لون فاتح الافضل يكون لون بيج
في من لوريال ومن ميبلين
هذا بيس من لوريال
وهذي شدوات كريميه من لوريال وميبلين
رد: تجهيز جنطة ميك اب عروس2011 بالكامل <<حياج خبيرة بروفشنل
الماسكرات / الارواج / البلشرات
مسكره للمناسبات لانكوم او ديور
ومسكره للاستعمال اليومي ريميل او ماكس فاكتر
الارواج وردي احمر بيج اورنج
في من ماك ثابت ومايتحرك ابدااا
وفي من ميبلين وريميل وريفلون مجموعه كبيره كل صيف يتجدد الكولكشن يعني ماقدر احددلكم اسم معين
بلشرات من برجوا في بلمعه وفي بدون لمعه
خوخي , وردي
رد: تجهيز جنطة ميك اب عروس2011 بالكامل <<حياج خبيرة بروفشنل
يالبى قلبك والله تسلمين ياخبيرة بروفشنال بس ماركة برستيج وين القاها يعني بمحلات الماركات الكبيرة مثل فيسس وقزاز او محلاتنا العادية واذا تخبرين محل اروح له على طول يكون احسن معليش طولي بالك علي
حاجه ثانيه انا بشرتي فاتحه اوك ودهنية بغيتك تعلميني وشلون احط اساس المكياج من الى طبعا بس الاساس يعني وش احط اول شي وعقبه وعقبه والشيمر الي قلتي عليه ووشلون طريقة حطه بس على الخدود وهو قوامه بودر والا كريمي وابي افضل شي من الي حطيتي صورهم لي