السلام عليكم ورحمة الله وبركاته
مراحب اخواني وحبايبي اهل الحفر
انا من باب النصيحة والحرص عليكم
صار لي موقف اليوم مع صرافة البلاد الواقعة في محطة الحويلا اللي على امتداد شارع المعهد العلمي
جيت بسحب مبلغ 2000 ريال ولما انتظرت شوي الا هالصرافة (زاعت الفلوس برى ) يعني دفعتهن برى بالهوى كأن واحد قاط الفلوس عليك وهو زعلان !!!
المهم اليوم تعرفون ان الجو هوى وغبار والله طارن الخمسميات ولا مسكت الا 1500 والثانية راحت للاشارة القريبة من الصرافة وتعدتها الين مسكها لي اجودي والهوى يدفعها وعطاني الـ 500
والحمد لله ان الـ 2000 ما عطتني الصرافة صرف فئة المئات والا كان علوم بالشارع
فهنا حبيت انوه وانبهكم اخواني على اساس ما يصير الموقف مع احد ويطيرن فلوسه
هذي الصرافة اذا تبي تسحب منها خلك متجهز للسحب ترى الفلوس تدفعها وترميها رمي بالشارع
اسف لاني كتبت بالعامية بس حبيت ابين الموقف بالضبط
وبالتوفيق