السلام عليكـم ورحمـة الله وبركاتـه
هــذه قصـيـدة تــدور أبياتـهـا
حـــول وصــــف الــرجــال
وهـي قصيـدة شعبـيـة أونبطـيـة
للشاعر/ ناصـر بـن بـدر بـن لبـدة
أبـدا بذكـر اللـي عزيـز وغـفـار *** رب السمـا فـوق المخاليـق عـالـي
رب السما عـارف خفيـات الاسـرار *** هو ربنـا المعبـود فـي كـل حالـي
فسر يا قلم واكتب جزيـلات الأشعـار *** ببيـوت شعـر مثـل نقـد الريـالـي
ونصيحـة تهـدى لوافيـن الأشـبـار *** بسوق الغلا تشرى ولـو دفـع غالـي
احفظ حياتـك قبـل قصـاف الأعمـار *** ياتيك يـا مخلـوق مـا مـن محالـي
والكلمـة التـي قالهـا سيـد الأخيـار *** وأكـد علـى قولـه عزيـز الجلالـي
حنا كما امسافر تحـت ظـل الأشجـار *** ننـزح ونرحـل مـع طـوال الليالـي
يالله تنجـي كـل مسلـم عـن النـار *** في ساعة المحشـر ويـوم السؤالـي
ومن عقب ذا بابـدع تماثيـل واختـار *** هذا حسب عرفـي وفـرض احتمالـي
ترا الرجال أشكال فـي كـل الأطـوار *** فـي الـراي والنيـة وفعـل الرجالـي
أحد يجي طيـب ولـه موقـف وكـار *** ويعـد قـرم مـن قــروم العيـالـي
ويفرح ليا قالوله فـي البيـت خطـار*** فـي مجلسـه ومسيـطـر للـدلالـي
دفـع لكرامتهـم ولا هــو بيحـتـار *** يطلـق علـى هـذا كريـم السبـالـي
ولا من زهمته جـاك ساطـي وجبـار *** ومـن السطـر ياتيـه مثـل الهبالـي
عساه يسلـم مـن صواديـف الأقـدار *** وبجنـة الفـردوس لا جـا الـزوالـي
وبعض الرجال يجيك نجس كمـا الفـار *** ياخـذ صفـات مـن صفـات الثعالـي
بوسط المجالـس دايـم الـدوم ثرثـار *** وسوالفـه لا جـات تـاتـي هـزالـي
يرمي بكلمـة مـا لهـا وزن وعيـار *** وليـا نصحتـه قـال مالـك ومـالـي
فيه البخـل والـذل وشبـوره قصـار *** ويضـج قلبـه لا تـوحـى الظـلالـي
ولسانه على غير القذى كنـه منشـار *** يا الله عسى ما له مـع النـاس تالـي
وإن قيل وش هو صار وإن قلت ما صار *** وإن قيل وش هو قال وإن قلـت قالـي
حاول على فرقـاه وابعـد عـن الـدار*** واعرض عنه لا جـاك فـي هالمجالـي
حتـى تريـح مـن كثيريـن الأشـرار *** اللـي تحـاول توقعـك فـي احتيالـي
ياللي شربـت المـر تكـرار وأمـرار *** المـر مـر ومـا يجـي المـر حالـي
هذي المعرفـه قلتهـا بيـن الأسطـار *** وكـل علـى عرفـه يقـول المقالـي
وصلوا عليه أعـداد مـن للحـرم زار *** المصطفـى اللـي طـارد للضـلالـي
وســــلامــــتــــكــــم