السلام عليكم ويسعد مساكم مع صباحكم بالمسرات ابيات بسيطه بمناسبة اول مولووود لي ولله الحمد عسى الله يحفظه ويخليه .. ياروح ماجـــد هلابك يانظـــر عينـي يازبـده الكــون من اول الى تالــــي نسيت مــع جيتك مـتـاعب سنيني ونسيت مع جيتك همــي وغربالي غيــرت ياروح ماجـــد كل مافـيـنـي وخليت مـر الشقا في دنيتي حالي بدلت نظــرة عـيـوني بالمـحـبـيـني دامك ملكت الغلا والحــب يالغــالي انشهد ان البشــر ما عـاد تعنيني والله ماغير شــوفك صــار يحــلالي يابـعــد كــل الاوادم والمــلاينــي يفداك كل البشـر ربعـي وعـذالـي ياهو شعـورن خيالي وانت بيديني تغمــرني افراح ما كانت على بالي وشلون ابنثر شعـوري في دواويـنـي يالي جعلت المشــاعر مالـهـا والـي صـوتك يزيل التعب صـوتك يسليني وريحك يخلي مــزاج الراس بالعـالي لاتبكي الدمــع مـن عينك يبكيـنـي يفداك حــالي ومـالي يابعـد حالــي نواف والله غـلاتك هـسـتـرت فيني لو راح يومـن بدونك شانت احـوالي ماغـيـرك احـدن غلاته في شـرايـنـي وما غيرك احدن يخلي خاطري سالي ياشـيـن يومـي اذا ماشـافـتـك عيني ويازين يومــي الا مـن شـفـتـك قبالي الله يخـلـيـك لــي والله يـخــلــيــنــي والله يمــدك عمــر وتـعـيـش يالغـالي وسلامتكم بقلم / ماجد الشمري ابو نواف
؛ ابونواااف /... الف مليون مبروووووووك المولود ويتربي بعزك وتدوم فرحتك فيه اليوم ودوم / تسجيل حضور .. ولي عوده ِ
الف مبروك المولود وصح لسانك
صح لسااانك يااا ابو نواف ,,,,قصيده جزله وفرحه عامره وداائمه ان شاءالله ,,, الف مليون مبروك المولود ياخ ماجد والله يحفظه ويصلحه ويجعله من مواليد السعاده ,,,ويحفظك له رب العالمين ,,,, مودتي لك ول النونو نواف ,,,الله يحفظه 0
صح لسانه ،، ومبروك ماجاك ويتربى في عزك ومن الذريه الصالحه ،،
الف الف الف مبروووكـ يتربى بعزك
الف مبروووووووك وصح لسانك ملايين
ريم النواظر الله يبارك بعمرك يالغلا منوره الصفحه لا خلا ولا عدم
الفرايد الله يبارك بعمرك وصح بدنك منور الصفحه
ناصر صح بدنك الله يبارك بعمرك ويخليك جزاك الله خير والفال لك منور الصفحه اخووووووي
ياروح ماجد هلابك يانظر عيني
العرض العادي
