دعوه لكل شاعر وشاعره

[وسيع الثنايا]

نديم السهر لك قصائد صوتيه ياليت تمتعنا ولا تحرمنا من ابداعك..

وحبيت اسألك كم لك وانت تكتب الشعر

[عبدالله الأحمد]

سعد عيني مجلس وسط الثميله
مع رفيقا ما وطى درب المهونه
مجلس للطيب وعلوما جميله
مجلسا كل النشاما يدهلونه
اهتني بالزل والمزنه سخيله
بارقه يضوي على حادر شطونه
واتعلل بالحيا واتبع مسيله
واتحرى للرحل تلفي بطونه
لي بها ايام مضت ماهي قليله
يوم اهلهاكل حزما ينزلونه


صح لسانك على هالأبيات الجميله ولا يوجد ماأقوله سوى الإشادة بها.. ومادمت تستطيع كتابة مثل هذه الأبيات فأنت لاتحتاج لمساعده من أحد لأنك تجاوزت كل الملاحظات فيها مقارنة بقصيدتك اللي قبلها.

اتمنى لك التوفيق



وبالنسبة للقصائدالصوتيه.. أنصحك بقصائد مشرفنا الغالي النبراس,,

[عبدالله الأحمد]

على فكره تستطيع الوصول لماأريدك ان تصل إليه عن طريق قوقل إذا كان هناك مشكله في الروابط

ماعليك سوى كتابة بحور الشعر النبطي وأوزانه

[وسيع الثنايا]

نديم السهر ياليت تمتعنا بقصايدك..

وحبيت اسألك لك قصايد صوتيه؟ وكم لك وانت تكتب؟

[عبدالله الأحمد]

ابشر ياوسيع الثنايا

والله مالي قصائد صوتيه وصوتي شين بعد



وكتبت الشعر من 15 سنه إذا مو بكثر

بس لازلت اعتبر اني اتعلم


تحياتي

[وسيع الثنايا]

آآآآآآآآسف يانديم السهر بصراحه انا بعترف لك وارجو ان تقبل عدري..

بصراحه انا كنت اسولف مع واحد وخبرته بالمنتدى وانا امدحك عنده واقول انك تساعدني من شان اطور واستفيد من خبرتك ثم قالي ما عليك منهم كلها خرابيط ولا اظن انك بتستفيد منهم ثم قالي عندي لك راي وش رايك تعطيهم قصيده من قصايد عمك وطبعا عمي شاعر وشف وش بيقولون...

وطبعا عطيتك القصيده ولا قلت ملاحظات واكدتلي انك شاعر وبيضت وجهي الله يبض وجهك وارجو انك تقبل عدري...

بصراحه ابي منك لحن شيله معروفه ولحنها سهل على المسحوب واوزن القصيده وانا ظامن ان مافيها كسور الله لايهينك وانا اعتبرك معلمي والله يعطيك العافيه ويجزاك بالخير...
وبصراحه دورت على غنية سر ياقلم ولا لقيتها....

[برد الشمال]

[align=center]يا وسيع الثنايا خل بالك وسيــــــــــع = دام عندك ( نديم ) أبشر بجزلاتــــــــــــــها

مداعبه عنكبوتيه .... وعساكم على القوه ووسيع يستاهل ونديم طيب


لاهنتوا الجميع[/align]

[وسيع الثنايا]

في سدين الليل والنار مشعلهــــــا
اوحيت للقمر يكشف ستــــــاره

«®°·.¸.•°°·.¸¸.•°°·.¸.•°®»اهدااااااااااااااااااااا اء لكل محب تحياتي وسيع الثنايا«®°·.¸.•°°·.¸¸.•°°·.¸.•°®»

[وسيع الثنايا]

|--*¨®¨*--|وينكم ياشعار المستقبل اشعلو المنتدى من القصايد الممتعه|--*¨®¨*--|

برد الشمال-نديم الليل- سندريلا- المطرفي ولأعضاء المتبقين

[الحوار]

اقتباس: المشاركة الأصلية كتبت بواسطة ريم النواااظر    \ / \ أناااا الريم وعزوتي عزها مطير ............ بنت شيخ(ن)... واستحق المفخره؟ مـــرتفع حظي وانا حظي كبير ............. بين كـــل الناس... حظي مااا اكبره دمـــــــتم بخير 0 0 تحيااااتي ري ــــــــــــــم النواااظــــــــــر ؛؛؛ ********

صح لسانك


وعاشو ربعي حمران النواظر